2020/02/23
Америк доллар
МОНГОЛ БАНК:
2,760.89₮
B30
УЛААНБААТАР
-3°
|
-14°
B30
УЛААНБААТАР
-7°
|
-12°
B30
УЛААНБААТАР
-8°
|
-14°
22:00
S26
-7°
23:00
S26
-7°
00:00
S20
-7°
01:00
S20
-7°
02:00
S20
-7°
03:00
S20
-7°
04:00
S20
-7°
05:00
S20
-8°
06:00
S20
-8°
07:00
S20
-9°
08:00
S20
-9°
09:00
S20
-8°
Энэ мэдээ хуучирсан буюу 2019/08/02 -нд нийтлэгдсэн мэдээ болно.

З.Энхболд: 50 мянган ажлын байрны тухай яригдаж байгаа учраас НООЛУУР хамгийн чухал сэдэв байв

А.Ням-Өлзий, iKon.mn
2019 оны 8 сарын 2
iKon.MN

- АНУ-аас iKon.mn сайтын сэтгүүлч А.Ням-Өлзий мэдээлж байна - 

Монгол Улсын Ерөнхийлөгч Х.Баттулгын АНУ-д хийж буй ажлын айлчлалын үр дүнгийн талаар Ерөнхийлөгчийн Тамгын газрын дарга З.Энхболдоос тодрууллаа.

- Монгол Улсын Ерөнхийлөгчийн АНУ-д хийсэн айлчлалын үр дүнд хоёр улс түншлэлийн харилцаагаа нэг шат ахиуллаа. Гэхдээ Гуравдагч хөршийн худалдааны тухай хууль хүлээлт үүсгэсэн хэвээр үлдлээ?

- Ерөнхийлөгч Х.Баттулгаас өмнөх бүх ерөнхийлөгч нар уул уурхай ярьдаг байсан.

Яагаад уул уурхайн оронд оёмол, сүлжмэл бүтээгдэхүүн татваргүй оруулах тухай яриад байна гэхээр манай улсын эдийн засгийг олон төрөлтэй болгохгүй бол уул уурхай хангалттай ажлын байр үүсгэхгүй байна гэх шүүмжлэл дагуулдаг.

Бүх уулзалтын номер нэг сэдэв нь Монголын гуравдагч хөршийн худалдааны тухай хууль байлаа.  

Энэ ямар учиртай гэхээр мал аж ахуйгаар амьдардаг 200 мянган өрх, ноос ноолуурыг бүтээгдэхүүн болгож хувиргах 50 мянган ажлын байрны тухай яригдаж байгаа учраас энэ номер нэг сэдэв болоод байгаа юм.

-АНУ-ын Ерөнхийлөгч манай улсын төрийн тэргүүнтэй хэлэлцээр хийх үеэр уг хуулийг дэмжиж буйгаа илэрхийлсэн. Тэгвэл Конгрессын гишүүдийн дэмжлэг хэр байгаа юм бол?

-Конгрессын доод танхимд 40 гаруй гишүүн, дээд танхимд 10-аад сенатын гишүүн манай хуулийг дэмжиж гарын үсэг зураад байгаа.

Гүйцэтгэх засаглалын дэмжлэг байгаа учраас энэ хууль ирэх есдүгээр сард багтаж батлагдах магадлалтай боллоо гэж сая уулзалтын үеэр хэлсэн.

-Гуравдагч хөршийн худалдааны тухай хууль батлагдвал малчин өрхөд ирэх бодит үр дүн нь юу байх вэ. Жишээ нь, ноолуурын үнэ нэмэгдэх үү?

-Ноолуурын ханш өсөхдөө гол нь биш.

Манай ноолуур одоогоор 10-хан хувийн боловсруулалт хийгдэж байгаа бол цаашдаа 100 хувь боловсруулж эцсийн бүтээгдэхүүн болгоход гол нь байгаа юм.

Мөн ажлын байрыг 50 мянга болох тухай яригдаж байгаа. Түүнчлэн малчдын орлого баталгаажихаас гадна ажлын байр нэмэгдэнэ.

БНХАУ-тай байгуулсан шиг Стратегийн иж бүрэн түншлэлийн гэрээг ОХУ-тай байгуулна

-Ажлын байр бий болгож, малчдын орлогыг нэмэгдүүлнэ гэж байна. Тэгвэл энэ нь Монголын эдийн засгийг солонгоруулах нэг хүчин зүйл болж чадах уу?

-Энэ бол эдийн засгийг солонгоруулах цорын ганц алхам.

Яагаад гэвэл бид дэлхийд ганцхан улстай л ноолуураар өрсөлдөнө. Тэр нь хятад. Түүхий эд байгаа учраас үүнийгээ бүтээгдэхүүн болгож гаргая. Ноолуурын салбар яагаад чухал вэ гэхээр маш олон хүнд хүртээмж нь хүрч байна.

-Төрийн тэргүүний энэ удаагийн айлчлалын хамгийн том үр дүнг АНУ-тай тогтоосон харилцаагаа нэг шат ахиулсан явдал гэж хэлж болох байх. Хоёр улсын Стратегийн түншлэлийн талаар тодруулахгүй юу?

-Монгол, Америкийн хоорондын харилцаа Стратегийн түншлэлд хүрснийг зарлалаа.

Монгол Улс дэлхийн 192 орноос ОХУ, БНХАУ, Япон, Энэтхэг гэсэн дөрөвхөн улстай Стратегийн түншлэлийн харилцаатай байсан бол өчигдрөөс эхлээд АНУ манай улстай Стратегийн түншлэлийн харилцаатай тав дахь улс боллоо.

Ингэснээр хоёр улс харилцан итгэлцэл, аюулгүй байдал, цэргийн хамтын ажиллагаа, хамгийн их дутагдаад байгаа эдийн засгийн хамтын ажиллагааг шинэ шатанд гаргах суурь болох юм.

Тиймээс ч манай өмнөх Ерөнхийлөгч нарын айлчлалууд Зууван танхимаас хэтэрдэггүй байсан бол таван минут төлөвлөсөн уулзалт 40 минут болж үргэлжилсэн гэх мэт онцлох үйл явдлуудаар дүүрэн байлаа.

-АНУ-тай тогтоосон Стратегийн түншлэлийн харилцааг бусад улсууд хэрхэн хүлээн авч байгаа бол?

-Манай улсын гуравдагч хөршийн бодлогыг дэлхий даяараа мэдэж байгаа.

Манай урд хөршийн Стратегийн түншлэл дээр иж бүрэн гэдэг үг бий.

Энэ онд тохиож байгаа Халхын гол ойн үеэр БНХАУ-тай байгуулсан шиг Стратегийн иж бүрэн түншлэлийн гэрээг ОХУ-тай байгуулах юм. 1991 онд ОХУ-тай байгуулсан Стратегийн түншлэлийн гэрээг шинэчлээд иж бүрэн гэдэг үг нэмнэ.

Тэгэхээр манай улсын гадаад бодлого зогсолтгүй үргэлжилж, сайжирч байгаа нь энэ процессоос харагдах байх.    

x