ВИДЕО: АНУ-ын Ерөнхийлөгч Д.Трамп Монгол Улсын Ерөнхийлөгч Х.Баттулгыг Цагаан ордонд угтан авлаа

- АНУ-аас iKon.mn сайтын сэтгүүлч А.Ням-Өлзий мэдээлж байна - 

Монгол Улсын Ерөнхийлөгч Х.Баттулгын АНУ-д хийж буй ажлын айлчлал үргэлжилж байна.

Орон нутгийн цагаар долоодугаар сарын 31-ний Лхагва гарагийн 13:50 цагт Монгол Улсын Ерөнхийлөгч Х.Баттулгыг АНУ-ын Ерөнхийлөгч Дональд Трамп Цагаан ордонд угтан авлаа.  

Тэд Цагаан ордны Зууван танхимд ганцаарчилсан уулзалт хийх юм. 

Энэхүү уулзалтаар хоёр орны харилцааг шинэ түвшинд гаргана хэмээн найдаж буйгаа Ерөнхийлөгч Х.Баттулга Стратеги, Олон улс Судлалын Төвд илтгэл тавих үеэрээ дурдсан билээ. 

Ганцаарчилсан уулзалт 40 орчим минут үргэлжилсний дараа Монгол Улсын Ерөнхийлөгч Х.Баттулга, АНУ-ын Ерөнхийлөгч Дональд Трамп нар албан ёсны хэлэлцээ хийв.

Монгол Улсын Ерөнхийлөгч Х.Баттулга тус улсад айлчлах үеэрээ ноён Д.Трампад морь бэлэглэх тухай зарим хэвлэлээр мэдээлж байсан. Энэхүү бэлэгний талаар АНУ-ын Ерөнхийлөгч Д.Трампаас Монгол Улсын Ерөнхийлөгчийг угтан авах үеэр сэтгүүлчид асуусан юм. 

-Та мориндоо нэр өгсөн үү. Харсан уу?

-Ялалт гэдэг нэр өгсөн. Зургийг нь харсан. 

Монголчууд сайн барилддаг, дайчин удамтай хүмүүс.

Би Японд очих үеэрээ Монголоос төрсөн сүмогийн дөрвөн их аварга байдаг гэж дуулсан. Энд тэр дөрвөн аваргын нэг нь ирсэн байгаа юм байна. 

 

 

 

Айлчлалын фото зургууд: