Мөн тэрээр EnglishPowered цуврал ном болон I Love My Family хүүхдийн зурагт номын зохиогч юм.

Та бүхэн Х. Нинж-Эрдэнэ захирлын дараагийн хөгжлийн төлөвлөгөө, байгууллагын үнэт зүйлс, алсын хараа, боловсролын талаарх үзэл баримтлал, байр сууриа хуваалцсан энэхүү ярилцлагыг шимтэн уншаарай.

- Эхлээд таны карьерын замналаас яриагаа эхэлье. Өнөөдрийг хүртэлх мэргэжлийн замналаасаа товчхон хуваалцвал?

- Миний ажлын гараа их сургуулийн гуравдугаар курсийн оюутан байх үеэс эхэлсэн. Тухайн үед Тайланд улсын Бангкок хотын олон улсын дунд сургуульд англи хэлний багшаар ажиллаж байлаа. Оюутан байхдаа олон улсын орчинд багшилсан тэр туршлага надад боловсрол гэдэг зөвхөн мэдлэг дамжуулах бус, хүний ертөнцийг харах өнцгийг тэлэх үйл явц гэдгийг ойлгуулсан. Түүнээс хойш англи хэлний боловсрол, сургалтын хөтөлбөр багшийн хөгжил, үнэлгээний систем, мэргэжлийнхээ туршлага дээр үндэслэн ном ч гаргалаа.

Одоо ингээд технологид суурилсан олон нийтэд гадаад хэлний боловсрол олгох зорилготой Эдтек салбар руу ороод байна даа.

- Лингорсын үйл ажиллагаа сүүлийн жилүүдэд нэлээд өргөжиж, боловсролын экосистем хөгжүүлэх чиглэлд ажиллаж байна. Энэ талаар уншигчдад танилцуулбал?

- Тийм ээ. Лингорсын хувьд бид хэл сурахыг илүү хүртээмжтэй, үр дүнтэй болгоход төвлөрч ажилладаг. Бид сонсох, ярих, унших, бичих гэсэн хэлний дөрвөн үндсэн ур чадварыг цогцоор нь хөгжүүлэх сургалтын шийдлүүдийг хөгжүүлж, технологийг боловсролтой үр дүнтэй хослуулахад төвлөрч ажилладаг. Тиймээс бид зөвхөн нэг бүтээгдэхүүн хөгжүүлэхээс илүүтэйгээр боловсролын экосистемийг бүрдүүлэхээр ажиллаж байна.

 

Өнгөрсөн зургаадугаар сард бид хэл сурах арга зүйд суурилсан, тоглоомчилсон (gamified) шийдэлтэй, олон хэлээр унших боломжтой Lingors App-аа танилцуулсан.

Гэхдээ Lingors App бол бидний хувьд зүгээр нэг аппликэйшн биш. Бид хүн бүрийн хэлний мэдлэг, чадварыг тасралтгүй хөгжүүлж, хэлний дархлааг бэхжүүлэхийн зэрэгцээ багш, суралцагч, сургууль, контент бүтээгч, хэвлэлийн байгууллага, мэргэжлийн холбоодыг нэг дор холбосон боловсролын экосистемийг бий болгохыг зорьж байна.Lingors app маань энэхүү экосистемийн нэг хэсэг юм.

- Та яагаад унших нь хэл сурахад хамгийн үр дүнтэй арга гэж үздэг вэ? Унших аргачлал нь яагаад Лингорсын хамгийн чухал үнэт зүйл хэвээр байх вэ?

- Хэлийг зөвхөн үг цээжилж, дүрэм судалж, Youtube, Netflix үзээд бүрэн эзэмшдэг гэвэл үгүй ээ. Хэлийг утга уран зохиолоор дамжуулан эзэмших боломжтой. Унших үед суралцагч үгийн сан, дүрэм, өгүүлбэрийн бүтцийг тус тусад нь биш, нэгэн цогц байдлаар хүлээн авдаг. Тогтмол уншдаг хүн хэлний талаар бодохоо больж, тухайн хэлээр бодож сэтгэж мөрөөдөж эхэлдэг.

Энэ бол хэл сурах хамгийн чухал шилжилт. Ном уншсанаар зөвхөн хэлний чадварыг хөгжүүлээд зогсохгүй анхаарал төвлөрөл тэвчээр, төсөөлөл, шүүмжлэлт сэтгэлгээ, эерэг хандлага ном дээр гарсан дүрүүдээр дамжуулан бусдыг ойлгох чадварыг цогцоор нь хөгжүүлдэг.

- Өнөөдөр хэл сурах олон платформ бий болсон. Тэгвэл хэрэглэгч яагаад Lingors App-ийг сонгох хэрэгтэй вэ?

- Lingors App-ийн ялгарал нь дэлхий даяар үр дүн нь батлагдсан Extensive Reading буюу уншлагаар дамжуулан хэл сурах арга зүй юм.

Бид суралцах явцыг аль болох сонирхолтой байлгахыг зорьсон. Тиймээс апп-даа тоглоомчилсон шийдлүүдийг хөгжүүлж, хэрэглэгчид Лингорсоос зарласан уншлагын марафонд оролцох эсвэл өөрсдийн хувийн уншлагын марафоныг үүсгэж болзол шагналаа аппаараа тохируулан найз нөхөдтэйгөө хамт унших боломжийг бүрдүүлсэн.

 

- Lingors App-ийг ашиглаж эхэлсэн хэрэглэгч хамгийн түрүүнд ямар өөрчлөлтийг мэдэрнэ гэж та бодож байна?

- Миний бодлоор хамгийн түрүүнд "энэ аппыг хэрэглэхэд амар юм байна" гэсэн мэдрэмж төрөх байх.  Аппаа татаж, бүртгүүлээд номоо уншиж өөрийн профайл дээрээсээ нийт уншсан ном, уншсан үгийн тоо, сонссон хугацаа зэрэг мэдээллээ нэг дороос харах боломжтой.

Бас ганцаараа биш, найз нөхөд, гэр бүл, хамт олонтойгоо хамт унших боломж нь хүмүүсийг илүү тогтвортой дадалтай болгодог. Үүнийг бид олон жилийн турш уншлагын марафон зохион байгуулсан туршлагаасаа харсан.

Нөгөө талаар хүн өөрийн түвшинд тохирсон номоос эхлэхээр хэл сурах айдас бага багаар арилж, унших нь өөрөө нэг төрлийн дадал болдог. Хүмүүс өдөр бүр дасгал фитнесс хийж булчин суудагтай адилхан бидний тархи ч гэсэн чанартай гоё ном зохиол унших тусам улам хөгжиж зоволгүйгээр нэг мэдэхэд хэл сурчихсан байдаг.

Энд их хугацаа зарцуулах шаардлагагүй. Өдөрт ердөө 20 минутыг утаснаасаа уншихад л хангалттай. Лингорс апп-р дамжуулан бид хэл сурахыг тусдаа хийх ёстой даалгавар биш, харин өдөр тутмын амьдралын нэгэн дадал болгохыг зорьж байна.

 

- Таны бодлоор Лингорс боловсролын салбарт ямар өөрчлөлт авчирч чадна гэж харж байна вэ?

- Боловсролын эцсийн зорилго нь зөвхөн шалгалтад сайн дүн авах биш, харин нийгэмдээ хэрэгтэй, хариуцлагатай иргэн болж төлөвших явдал. Өнөөдрийн байдлаар дэлхийн улс орнуудын хоорондын харилцаа улам төвөгтэй ээдрээтэй болчихсон байна. Ийм орчинд зөвхөн англи хэл мэддэг байх хангалтгүй. Дэлхийн иргэн байхын тулд хоёр дахь, гурав дахь хэл эзэмшиж, өөр соёлын хүмүүсийн хэл соёлыг ойлгох хүндлэх дипломат, уян хатан, хүнлэг байдлаар харилцах шаардлагатай болж байна. Номоор дамжуулан бид үүнд суралцаж чадна.

- Лингорсын урт хугацааны алсын хараа, эрхэм зорилгын талаар хуваалцвал?

- Бидний алсын хараа бол олон хэлний дархлаатай, тэгш хүртээмжтэй боловсролын экосистемийг бий болгох. Олон хэлний дархлаа гэдэгт бид Монгол хэлээ хамгийн түрүүнд багтаасан. Монголын хүүхэд залуус уншихаа больсон байна гэсэн шүүмжлэлт их өртдөг. Энэ зөвхөн манай залуус уншихгүй байгаа зүйл биш. Ковидоос хойш энэ бүр дэлхийн бүх улс орнуудын хувьд асуудал болоод ирсэн. Одоо үеийнхэн цаасан ном унших дургүй болсон. Тиймээс тэдэнд дижитал хэлбэрт нь тохирсон аргаар унших чадварт сургах нь улс гүрний боловсролын бодлого байх ёстой.

Лингорсын хувьд бид системтэй арга зүй, инновацад суурилсан шийдлээр хүн бүрд эх хэлээр болон сургуулийн хөтөлбөрийн хүрээнд сонгон суралцаж байгаа гадаад хэлээр унших боломжийг бий болгож өгч байгаа. Цахимд суурилсан учраас ухаалаг утастай хүн бүр аппаа татаж аваад хаанаас ч унших боломжтой.

 

- Гүйцэтгэх захирлын хувьд одоо юунд төвлөрөн ажиллаж байна вэ?

- Одоогоор  Лингорс аппын олон хэлний тогтолцоог бэхжүүлэх, хэл сурах арга зүйд суурилсан чанартай номуудыг апп дээрээ байршуулах дээр төвлөрч байна. Одоогийн байдлаар Mонгол, Англи хэл дээр ном ороод эхэлчихсэн байгаа. Удахгүй Солонгос хэл, Хятад хэл, Япон хэл дээр суралцагч нарт зориулсан номуудыг нэмж оруулахаар манай баг хамт олон ажиллаж байна.

- Англи хэлний боловсролын салбарт олон жил ажилласан хүний хувьд өнөөдөр ч таныг чиглүүлдэг хамгийн чухал сургамж юу вэ?

- Хүн төрөлхтний хувьд хэл гэдэг зүйл зөвхөн харилцааны хэрэгсэл бус, харин бодох, төсөөлөх, туршлагаа хуваалцах боломж олгодог. Тухайн хэл устахад зөвхөн үгс алга болдоггүй. Тэр хэлээр дамжигдан ирсэн ертөнцийг харах өнцөг, түүх, соёлын үнэт зүйлс, онцлог давуу талууд, тухайн үндэстний сэтгэлгээний нэг хэсэг хамт мөхөж алга болдог. Ямар нэгэн хэл дээр унших нь бидний өөрийн туршлага, тархины багтаамжаас давж сэтгэх боломжийг нээдэг.

- Эцэст нь Лингорстой хамт өсөж, хөгжиж буй нийт хүмүүст хандаж юу хэлэхийг хүсэж байна вэ?

- Юуны түрүүнд өнөөг хүртэлх хугацаанд Лингорстой хамт байсан багш суралцагч нар, эцэг эхчүүд хамтрагч сургуулиуд боловсролын байгууллагууддаа чин сэтгэлээсээ баярлалаа гэж хэлмээр байна. Ялангуяа өөрсдөө тогтмол уншиж, сурагчдадаа үлгэр дуурайлал үзүүлж байгаа багш нарын оролцоо бидний хувьд маш үнэ цэнтэй. Бидний ирээдүй ямар байх нь өнөөдөр хүүхдүүд маань юу уншиж, юу сурч, юунд итгэж байгаагаас ихээхэн хамаарна. Уншдаг хүн өөрийнхөө төдийгүй нийгмийнхээ ирээдүйг өөрчилж чадна.

Тиймээс өдөр бүр багахан хугацааг уншихад зориулж, хүүхэд бүрийг номтой нөхөрлүүлэх энэ үйлсэд бидэнтэй хамт байгаарай.

ЛИНГОРС АПП ТАТАХ:

IOS: shorturl.at/ImLw1
Android: shorturl.at/0iD8b

Хүүхэд өдөр тутмын англи яриаг ойлгодог байлаа гээд математикийн бодлогын нөхцөл, шинжлэх ухааны нэр томьёо, компьютерын хичээлийн тайлбарыг шууд ойлгоно гэсэн үг биш. Хичээл бүр өөрийн мэргэжлийн үг хэллэг, тайлбарлах арга барил, логик бүтэцтэй байдаг учраас академик англи хэлний чадварыг тусгайлан хөгжүүлэх шаардлагатай.

Иймээс сургалтын шинэчлэлийн зорилго нь англи хэлний цагийг нэмэхээс гадна сурагчийг англи хэлээр бусад хичээлээ судалж, асуултаа ойлгож, бодолт болон туршилтын үр дүнгээ тайлбарлаж, өөрийн шийдлийг хамгаалж чаддаг түвшинд хүргэхэд чиглэж байна.

Шинэ бүтцээр англи хэлний хичээл долоо хоногт 7–12 цаг орж, үүнээс 4–6 цагийг гадаад багш заана. Үүн дээр математик, шинжлэх ухаан, бизнесийн чиглэлийн 5–7 цагийн хичээл англи хэл дээр нэмэгдсэнээр нэг сурагч долоо хоногт нийт 12–15 цаг англи хэл дээр суралцах орчинд байна.

Мөн 1–12-р ангийн сурагчид өдөр бүр багадаа хоёр өөр гадаад багштай ажиллана. Ингэснээр хүүхдүүд өөр өөр дуудлага, ярианы хэв маягийг сонсож, англиар харилцах орчинд тогтмол байхаас гадна хичээлийн агуулгыг англи хэлээр ойлгож, тайлбарлах дадлыг өдөр тутамдаа хөгжүүлнэ.

Бага ангийн сурагчид англи хэл, математик, шинжлэх ухааны суурь ойлголтыг насны онцлогт тохирсон хялбар агуулгаар англи хэл дээр хүлээн авч эхэлнэ. Тэд дүрслэл, туршилт, тоглоом, төсөлд суурилсан хичээлээр шинэ үг хэллэгээ хэрэглэж, сонссон зүйлээ ойлгон илэрхийлэх сууриа тавина.

Дунд ангийн сурагчид математикийн бодлогын нөхцөлийг англиар унших, шинжлэх ухааны туршилтын үйл явц болон үр дүнг тайлбарлах, компьютерын даалгаврыг англи хэл дээр гүйцэтгэх зэргээр академик хэлний чадвараа илүү гүнзгийрүүлнэ.

Ахлах ангийн сурагчдын хувьд бага, дунд ангидаа тавьсан суурин дээрээ тулгуурлан мэргэжлийн болон бизнесийн агуулгыг англи хэлээр судална. Мөн IGCSE-ийн шалгалтын арга барил, олон улсын шалгалтын оноо, их сургууль болон тэтгэлгийн бэлтгэлдээ төвлөрөх боломжтой болно.

Хөтөлбөрийг хэрэгжүүлэх хүрээнд сургуулийн англи хэлний багийг 10–12 багшийн бүрэлдэхүүнтэй болгон өргөжүүлж, талаас илүү хувийг гадаад багш нар бүрдүүлнэ. Түүнчлэн Cambridge-ийн хөтөлбөрөөр хичээл заах эрхтэй математикийн хоёр, шинжлэх ухааны хоёр багшийг сонгон шалгаруулж, сургалтын багт нэгтгээд байна.

Энэхүү шинэчлэлийн үр дүнд сурагчид англи хэлээр сонсох, ярих, унших, бичихээс гадна математик бодож, шинжлэх ухааны ойлголтоо тайлбарлаж, компьютерын төсөл хэрэгжүүлж, мэдлэгээ бодит нөхцөлд ашиглах чадвараа хөгжүүлнэ.

Цонжин Кибер Боардинг Сургуулийн зорилго нь хүүхдийг зөвхөн англиар ярьдаг болгоход бус, англи хэлээр бодож, суралцаж, судалж, мэдлэгээ ойлгомжтой тайлбарлаж чаддаг олон улсын түвшний суралцагч болгон төлөвшүүлэхэд оршиж байна.

Тус тэмцээнээс "УБ Буганууд" хүүхдийн хөлбөмбөгийн клубийнхэн гурван насны ангилалд оролцоод алт, мөнгө, хүрэл цом хүртжээ.

Тухайлбал 

• 9 насны ангилалд алтан медаль,
• 11 насны ангилалд мөнгөн медаль, 
• 13 насны ангилалд хүрэл медаль хүртэв. 

Тус клубийн 9 насны хөвгүүд нийт 10 тоглосноос ес хожиж, нэг хожигдсоноор хүснэгтийг тэргүүлсэн юм. Нийт 48 гоол оруулахад Э.Анар 24 гоол оруулсан амжилтаар мэргэн бууч, Э.Содбилэг шилдэг тоглогчоор шалгарчээ. 

ФОТО

 

Япон Улсын Засгийн газар нь Монгол Улсад 1990 оноос хойш өнөөдрийг хүртэл 36 жилийн турш “Өвсний үндэс буцалтгүй тусламж”-ийн хөтөлбөрийг хэрэгжүүлж байна. Энэ удаагийн төсөл нь “Өвсний үндэс буцалтгүй тусламж”-ийн 632 дахь, Завхан аймагт хэрэгжих 25 дахь төсөл болж байгаа юм.

“Өвсний үндэс буцалтгүй тусламж”-ийн хөтөлбөрийг Япон Улсын Засгийн газар 1990 оноос хэрэгжүүлж эхэлсэн бөгөөд хөгжиж буй орнуудын хот болон орон нутгийн засаг захиргаа, боловсрол, эрүүл мэндийн зэрэг байгууллагуудтай хамтран хэрэгжүүлдэг хамтын ажиллагааны хөтөлбөр юм. Тухайн орон нутгийн ард иргэд үр ашгийг нь шууд хүртэх боломжтой төслүүдэд санхүүжилт олгодог бөгөөд санхүүжилтийн дэмжлэг үзүүлэхэд Япон Улсын гадаад дахь дипломат төлөөлөгчийн газрууд голлох үүргийг гүйцэтгэдэг гэж Япон Улсын Элчин Сайдын Яамнаас мэдээлэв.

Тайландын Бангкок хотноо долдугаар сарын 31-ний Баасан гарагт 19:30 цагаас "The Inner Circle 24"-ийн оргил тулаанаар Монголын Б.Энх-Оргил, Азербайжан гаралтай ОХУ-д бэлтгэлээ базаадаг Эльбек Алышов нар гарах юм.

Хоёр тамирчин өнөөдөр жин, биеийн ерөнхий үзлэгээр тэнцсэн тул тулалдахад бэлэн болжээ.

Өдгөө 37 настай Б.Энх-Оргилын багш нь Монгол Улсын Гавьяат тамирчин Ж.Нарантунгалаг. Харин түүнээс 10 насаар дүү Э.Алышов Беларусийн холимог тулаанч Чингиз Аллазовын багийн нэр дээр тулалддаг юм.

Э.Алышов өнгөрсөн жилийн наймдугаар сард "One" холбоонд анхны тулаанаа хийсэн. Тэрбээр Филиппиний Жэрэми Пакативийг ялаад гурван сарын дараа мөн л Филиппиний Карло Буминаг цагаас нь өмнө буулган авсан билээ.

Харин Б.Энх-Оргилын хувьд өнгөрсөн оны арванхоёрдугаар сард Бразилын Фабрико Андрадег ялснаас хойш анх удаа тулалдах юм.

 

Маргааш оргил тулаанаас гадна муай тай боксын дүрмээр гурван тулаан явагдах юм. Ливаны ах дүү Рамадан Ондаш, Абделла Ондаш нар Малайзын Жохан Жазали, Тайландын Чокпрееча нартай тулалдах бол Японы Асахи Шинагава, Мексикийн Салвадор Велазкуизтай өрсөлдөх юм.

Мөн "One Friday Fights 164" тулааны хүрээнд нийт 10 тоглолт болох юм. 

Энэ удаагийн фестиваль "TIME" сэдвийн хүрээнд наймдугаар сарын 22, 23-ны өдрүүдэд явагдах бөгөөд дараах шинэчлэлтүүдийг багтаажээ.

• Илүү том, илүү сүрлэг орон зай: Өмнөх гурван удаагийн наадмыг "Steppe Arena"-д зохион байгуулж байсан бол энэ жил хамрах хүрээгээ тэлж, илүү олон үзэгч хүлээн авах боломжтой задгай талбайд буюу Төв Цэнгэлдэх хүрээлэнд зохион байгуулж байна.
• Тойрон үргэлжлэх дижитал бүтээл: Шоу бүхэлдээ 360 градус тойрон үргэлжлэх 300 метрийн урттай дэлгэцээр гарах бөгөөд тайз засал, гэрэл тусгалт, дуу дүрсний гүйцэтгэлийг олон улсын түвшинд тохируулан бэлтгээд байна. 12 метрийн өндөртэй уг дэлгэцээр дижитал бүтээлүүд үргэлжлэх бөгөөд Монголд анх удаа уг хэмжээний бүтээн байгуулалт болж байгаа нь онцгой билээ.
• 2 өдөр 2 өөр хөтөлбөр: Жил бүр фестивалийн онцлогийг багтаасан хөтөлбөрүүд танилцуулагддагаас энэ жил мөн сонирхолтой хөтөлбөр хүлээгдэж байна.

 

 

 

300 метрийн урттай дэлгэцээр 360 градус тойрсон дижитал арт

Монгол улсад визуал арт, тэр дундаа дижитал бүтээлүүд сүүлийн жилүүдэд эрчимтэйгээр хөгжиж буй бөгөөд уран бүтээлчдийн бүтээлүүдээс гадна түүнийг хүргэж буй технологийн шийдлүүд ч мөн өрсөлдөхүйц болсоор байна. Энэ дунд электроник хөгжмийн салбарт жил бүр өөрсдийгөө баталж яваа KHARKHORUM фестиваль өнгөрсөн гурван жилийн хугацаанд Steppe Arena-д зохион байгуулагдсан бол энэ жилээс зай талбайг илүү томруулан үзэгчдэд хүртээмжтэй мөн илүү тухтай байлгах үүднээс Төв Цэнгэлдэх Хүрээлэнд зохион байгуулагдахаар болжээ.

 

Фестивалийн төв тайзыг тойрон үргэлжлэх 12 метрийн өндөртэй 300 метрийн урттай дэлгэц нь талбайг бүтэн тойрсноор KHARKHORUM-ын танил болсон дижитал бүтээлүүдийн хамт үзэгчдийг хүлээн авахаар бэлдээд байна. Энгийн дэлгэцэн дээрх дүрснээс ялгаатай нь 12 метрийн өндөртэй дэлгэцэн дээрх дүрс бодит хэмжээнээсээ хэд дахин том харагддаг буюу илүү сүрлэг мэдрэмжийг өгдгөөрөө онцлогтой.

Хөгжмийн дуугаралтын хувьд Cinematic Orchestral дуугаралттай бөгөөд зөвхөн хавтгай аялгуу гэхээс илүүтэй тухайн бүтээлийн уур амьсгал, сэтгэл хөдлөл, үйл явдлыг өгүүлэмжтэйгээр илэрхийлэх болно. Ингэснээр тайзан дээр тоглож буй уран бүтээлч тус бүрийн онцлогийг агуулсан дижитал бүтээл тасралтгүй үргэлжилж, цуурайтай дуугаралт нь орон зайн гүнзгий мэдрэмж төрүүлэх юм.

Орчныг цоо шинээр босгож, дижитал бүтээл тасралтгүй үргэлжлэх орчинд салбартаа танигдсан уран бүтээлчдийн хөгжмийг амьдаар нь сонсох орон зайг улам тухтай, улам сүрлэг болгож буй нь энэ жилийн томоохон онцлогуудын нэг бөгөөд KHARKHORUM фестивалийн давуу талуудын нэг билээ.

Хаана: Төв Цэнгэлдэх хүрээлэн

Хэзээ: Наймдугаар сарын 22, 23-нд

Тасалбар:

• Boxoffice.mn
• EventX.mn
• Ticket.mn
• Shoppy.mn

Цахим хуудаснууд:

• YouTube чаннел
• Фэйсбүүк хуудас

7 дугаар сарын 30-ны өдрийн байдлаар Хөвсгөлийн уулсаас эхтэй Эг, Үүр, Зэлтэр, Хэнтий нурууны баруун хажуугаас усжих Туул /Улаанбаатар хот болон Алтанбулаг сум/, Хараа, Ерөө, зүүн хажуугийн Барх, Эг, Балж, Онон, Хэрлэн, Хангай нурууны араас усжих Орхон, Урдтамир, Хөгшин Орхон, өврийн Байдраг, Шаргалжуут, Онги /Арвайхээр, Сайхан-Овоо сум/, Таац, Зэгстэй, Увс нуурын савын Намир зэрэг голуудын усны түвшин өмнөх өдрөөс 10-70 см нэмэгдсэн байна.

Маргааш буюу 31-нд Туул гол Улаанбаатар хот орчимд усны түвшин 35 см, Алтанбулаг сум орчимд 25 см, Хэрлэн гол Багануур дүүрэг орчимд 10 см, Ерөө гол Дулаанхаан сум орчимд 15 см, Онон гол Дадал сум орчимд 30 см тус тус нэмэгдэх төлөвтэй байгаа юм байна. 

Иймд дээрх голууд болон гол мөрний сав дагуу аялж, амарч, зугаалж яваа ард иргэдийг үерийн аюулаас сэрэмжтэй байхыг анхааруулж байна. 

Сонгон шалгаруулалтад оролцох хүсэлтэй компаниуд Капитрон банкны IBAN 46003000 3099019888 тоот дансанд 50,000 /тавин мянга/ төгрөгийг эргэн төлөгдөхгүй нөхцөлтэй тушааж, баримтыг албан бичгийн хамт dolgorsuren.su@capitronbank.mn хаягт илгээж, сонгон шалгаруулалтын өгөгдлийг авна уу.

Гүйлгээний утга дээр БУ-2026/05 дугаарыг заавал бичнэ.

Сонгон шалгаруулалтын материалыг 2026 оны 08 дугаар сарын 10-ны өдрийг дуустал хугацаанд tender@capitronbank.mn хаягаар хүлээн авах бөгөөд зөвхөн шалгарсан компанид бичгээр хариу мэдэгдэнэ.

Жич: Сонгон шалгаруулалттай холбоотой мэдээллийг order@capitronbank.mn хаягт хандаж авна уу.

Албаны эх сурвалжийн мэдээлснээр эдгээр таван байршлын олон түвшний уулзварын техник, эдийн засгийн үндэслэл (ТЭЗҮ), нарийвчилсан зураг төслийг боловсруулж дуусжээ.

Уулзваруудын түвшнийг зааглаж, олон түвшинтэй болгосноор тээврийн хэрэгслийн урсгалын огтлолцлыг бууруулж, гэрлэн дохионоос хамааралтай зогсолт, хүлээлтийг багасган замын хөдөлгөөний нэвтрүүлэх чадварыг нэмэгдүүлэх ач холбогдолтой бөгөөд замын хөдөлгөөний дундаж хурд 7.1 хувиар нэмэгдэнэ гэж тооцоолсон байна.

Олон түвшний уулзвартай болох 5 байршил:

1. Сонгинохайрхан дүүргийн Моносын уулзвар
2. Хан-Уул дүүргийн Механик инженер, тээврийн сургуулийн уулзвар
3. Баянзүрх дүүргийн Офицерын уулзвар
4. Наадамчдын замын явган хүний гүүр
5. Баянзүрх дүүргийн 42 дугаар хороо, Нарт хотхоны зүүн талын гүүр.

Нийслэл хотын нийт 18 байршилд олон түвшний уулзвар барихад 594 сая ам.доллар зарцуулна. 

Өчигдөр, өнөөдөр үргэлжлэн орсон борооны улмаас нийслэлийн зарим байршилд ус тогтсон зургаан дуудлага мэдээлэл бүртгэгджээ. Дуудлага мэдээллийн дагуу НОБГ, Геодизи усны барилга байгууламжийн газар, Ус сувгийн удирдах газрын нийт 28 ажилтан, албан хаагч, 12 нэгж техник хэрэгсэлтэйгээр ажиллан, зургаан байршлын усыг соруулж, иргэдийн аюулгүй байдлыг хангаж ажиллав. 

Бусад дуудлагад дүүрэг, хороо, СӨХ-ны холбогдох албан тушаалтанд мэргэжил арга зүйн зөвлөмж өгсөн байна. Ойрын өдрүүдэд түр зуурын усархаг аадар бороо орохыг мэргэжлийн байгууллагаас мэдээлж байна.

Иймд иргэд та бүхнийг хол ойрын замд баталгаат зам гүүрээр зорчиж, бага насны хүүхэд, өндөр настан, хөгжлийн бэрхшээлтэй иргэний аюулгүй байдлыг хангаж, болзошгүй үер, усны аюулаас урьдчилан сэргийлэхийг зөвлөлөө. 

 АҮЭБЯ-ны Төрийн нарийн бичгийн дарга Б. Дашпүрэв  "Аймгийн төвүүдэд түгээлт сайн хийгдэж байна. Зарим нэг сумдад тасарсан байгаа. Харин нийслэлд Пестровис нөөц харьцангуй багассан. Шунхлай, Тес петролиум харьцангуй нөөцтэй, хязгаар тогтоогоод олгож байна. 

Маргаашаас эхлээд Петсровис болон Сод Монгол, Шунхлай, Тес петролиумд нөөц нэмэгдүүлэх бодлогын ажлуудыг хийж байна. Маргаашаас эхлээд түгээлт нэмэгдэнэ гэж харж байна. 

Боршоо, Цагааннуур боомтоор дамжуулан бүтээгдэхүүн орж ирдэг байсан бол ОХУ-ын нөхцөл байдалтай холбоотойгоор Евро 5 төрлийн бүтээгдэхүүнээс өөр төрлийн бүтээгдэхүүн орж ирэх боломжгүй. Зарим үед орж ирэх боломжгүй нөхцөл үүссэн. Хамгийн хол тээвэрлэлт хийдэг баруун бүсийн хангалтыг Улаанбаатар хотоос хийж байна. 

Говийн бүс харьцангуй гайгүй байгаа. Иймд Улаанбаатар хот, Хөвсгөл, Булган чиглэлийн бүс нутгуудын хангалтыг хийнэ. 

Бүхий л аж ахуйн нэгжүүд бусад улс орнуудаас бүтээгдэхүүн авахаар илэрхийлж ажиллаж байгаа. Иймд энэ нөхцөл байдлаа ойлгож хүлээцтэй байхыг хүсье. Олон сар жилээр үргэлжлэхгүй. Хоёрдогч, гуравдагч хөршүүдээс бүтээгдэхүүн авах хэлцлүүд амжилттай явж байгаа" гэв. 

ОХУ-аас ачилтаа нэмэгдүүлэх тал дээр нааштай хариу өгсөн ба 10 хоногийн хугацаандаа буцаад хэвийн буюу 30 хоногийн нөөцөд хүргэж ажиллана гэдгийг онцоллоо. 

Уг хамтын ажиллагааны хүрээнд тус эмнэлэгт TIKA-ын буцалтгүй тусламжаар сургалтын танхим байгуулагдаж, иж бүрэн тоног төхөөрөмж, сургалтын хэрэглэгдэхүүнтэйгээр өнөөдөр нээгдлээ.

"Монгол-Туркийн хамтарсан сургалтын танхим" нь 40,000 ам.долларын өртгөөр бүтсэн бөгөөд 74 нэр төрлийн тоног төхөөрөмж, хэрэглэгдэхүүнтэй юм. 

ТТАХНЭ-ийн захирал Т.Нарантуяа нээлтийн арга хэмжээний үеэр "Эмч мэргэжилтнүүд маань ажлын байран дээрээ тасралтгүй сурч хөгжих, ур чадвараа улам дээшлүүлэх боломжтой болж байгаад маш их баяртай байна" гэж байв.

Энэхүү төсөл TIKA-гийн Монгол Улсад хэрэгжүүлж буй 908 дахь төсөл болжээ.

ФОТО:

Энэ тухай Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч Г.Жаргалсайхан “Өнгөрсөн жил хагас коксон шахмал түлшийг нэвтрүүлснээр агаарын бохирдол 30-35 хувиар буурсан үзүүлэлттэй. 2026 онд бид энэ тоог 40-45 хувьд хүргэх зорилт тавин ажиллаж байна.

Энэ жил бид өмнө жилийн адилаар хагас коксон шахмал түлшийг импортлох бөгөөд мөн 120 мянган тонн мидлингэн шахмал түлшийг ашиглана. Нийт 400-430 мянган тонн түлшийг энэ галлагааны улиралд хэрэглэх тооцоотой.

Улаанбаатар хотод 170 мянган айл шахмал түлш түлж буй. Энэ жил үүнээс 5,000 өрхийг хийн түлшний хэрэглээнд шилжүүлсэн. Есдүгээр сард галлагааны улирал эхлэхэд 50-60 мянган тонн шахмал түлшний нөөцтэй байх шаардлагатай” гэлээ.

Өнгөрсөн оны халаалтын улиралд 425 борлуулалтын цэгээр нийт 438,000 орчим тонн хатуу түлшийг борлуулжээ. 

ОХУ-д үүссэн дайны нөхцөл байдлын улмаас сүүлийн саруудад газрын тосны бүтээгдэхүүний нөөц, хангамжийн асуудал зарим үеүдэд тодорхой хэмжээнд доголдож байна. Иймд АҮЭБЯ-ны зүгээс газрын тосны бүтээгдэхүүний нөөц хангамжийг нэмэгдүүлэх ажлыг хийсээр ирсэн гэв. 

Монгол Улсын Засгийн Газраас нөөцийн саваа нэмэгдүүлэх бодлогын ажлуудыг эрчимтэй хийж хэрэгжүүлж байгаа аж. 

Өнөөдрийн түвшинд 15 хоногийн буюу 31,000 тонн АИ-92, 20 хоногийн нөөцтэй 80,000 тонн дизель түлш байгаа юм байна. Уг нөөцийг маш богино хугацаанд нэмэгдүүлэхийн тулд ОХУ-аас 7-р сард авсан хэмжээнээсээ тодорхой хэмжээнд нэмэгдүүлж захиалгаа баталгаажуулжээ. Мөн БНСУ-аас бүтээгдэхүүн авахаар өнөөдөр АҮЭБЯ-ны сайд Г.Дамдинням холбогдох аж ахуйн нэгжүүдтэйгээ Солонгос улсад уулзалт хийж байгаа юм байна. 

БНСУ-аас онгоцны түлш авахаар тохирсон. Мөн БНХАУ-аас Евро 5 төрлийн 6,000 тонн АИ-92, АИ-95 автобензин авахаар хэлцэл хийгдсэн байна. Өнөөдөр аж ахуйн нэгжүүд өөрсдийн авах хүсэлтээ илэрхийлсэн ба маргаашаас ачилтууд хийгдэх юм байна.  

ОХУ-д дотооддоо нөөц нь хомстчихсон, доголдол үүсэж үнэ нь нэмэгдчихсэн байгаа хэдий ч Монгол Улсад ач холбогдол өгч хүссэн хэмжээгээр боломжгүй ч гэсэн тасралтгүй нийлүүлээд явж байгаа нь талархалтай. Тодорхой хэмжээний дутагдлыг бусад улсаасаа нөхөхөөр ажиллаж байна гэдгийг онцлов.

Мөн 8-р сарын эхний арав хоногт ОХУ-аас татан авалтаа нэмэгдүүлэх хүрээнд хүсэлтүүд илгээгээд ажиллаж байгаа ба нөөц багассан нөхцөл байдлыг 10 хоногийн хугацаанд нөхөж бүрдүүлэх боломжийг бүрдүүлэхээр ажиллаж байгаа аж. 

Аж ахуйн нэгжүүд нөөцөө тогтоон барихаар хязгаарлалтай олгож байгаа зарим газарт огт өгөхгүй байгаа энэ үед нийт аж ахуйн нэгжүүдээ тэгш олгох нөөцийг бүрдүүлэхээр ажиллаж байна гэв. 

Энэ удаад 1,398,018 иргэнд 107.8 тэрбум төгрөгийг буцаан олгож байгаа юм.

Мөн 79,879 иргэн буцаан олголтын дүнгээсээ нэг тэрбум төгрөгийн татвараа төлөөд буй.

 

Ирэх сарын 08-нд нийт таван барилдаан зохион байгуулагдахаар төлөвлөгджээ. Энэ жилийн наадмын түрүү бөх даян аварга Б.Орхонбаярын цолын мялаалга наадам ирэх сарын 8-нд Сэлэнгэ аймгийн Сүхбаатар суманд болох аж. Мөн хоёр сум, хоёр байгууллагын түүх ойн баяр наадамд зориулсан хүчит бөхийн барилдаан ирэх сард зохион байгуулагдах юм байна. 

• 01-02-ны Бямба-Ням гарагт Баян-Өлгий, Ховд аймгийн баяр наадам
• 04-ны Мягмар гарагт Хархорин хотын нээлт, Эрдэм шинжилгээний хуралд зориулсан бөхийн барилдаан /Хархорин суманд/
• 06-07-ны Пүрэв-Баасан гарагт Ховд аймгийн Дарви сумын ЕБС-ийн түүхт 100 жилийн ойн баяр наадам
• 07-08-ны Баасан-Бямба гарагт Энержи Ресурс ХК-ийн баяр наадам /Өмнөговь, Цогтцэций суманд/
• 08-ны Бямба гарагт Монголын төмөр замчдын баяр наадам /Хонхорт өртөөнд/
• 08-ны Бямба гарагт Даян аварга цолын мялаалга наадам /Сэлэнгэ, Сүхбаатар хот/
• 08-ны Бямба гарагт Монгол улсад барилгын салбар үүсэж хөгжсөний 100 жилийн ойн баяр наадам /Хүй долоо Монгол наадам цогцолборт/
• 06-08-ны Пүрэв-Бямба гарагт Ховд аймгийн Дөргөн сумын түүхт 70 жилийн ойн баяр наадам
• 13-15-ны Пүрэв-Бямба гарагт Ховд аймгийн Буянт сумын түүхт 100 жилийн ойн баяр наадам
• 17-ны Даваа гарагийн 11:40 цагт Үндэсний Их баяр наадмын долоогийн даваанд тунаж Улсын заан цол хүртсэн бөхөд ЗААН ЖИМИНИ авто машин гардуулах үйл ажиллагаа /Баянзүрх дүүрэг Бридж корпораци/
• 21-ний Баасан гарагт Нүүдэлчин соёлын фестивальд зориулсан үндэсний бөхийн барилдаан /Монгол наадам цогцолборт/
• 28-ны Баасан гарагт Хилчин спорт хорооны 80 жилийн ойд зориулсан 128 бөхийн барилдаан /Монгол бөхийн өргөө/

Нийслэлийн Аврах ангийн алба хаагчдыг очиход, иргэн Б /34 настай, эрэгтэй/, Э /34 настай, эрэгтэй/,  Т /33 настай, эрэгтэй/ нар нь 2 автомашинтай туул голын салаанд боогдсон байдалтай байсныг ажиллан аюулгүй газарт гаргажээ. 

Хяналт шалгалтаар тухайн ААН нь ус ашиглах дүгнэлт, гэрээ, зөвшөөрөлгүйгээр ус ашигласан нь тогтоогдсон тул Зөрчлийн тухай хуулийн 7.15 дугаар зүйлийн хоёр дахь хэсэгт заасны дагуу хойшлуулшгүйгээр үйл ажиллагааг нь зогсоож, прокурорын тогтоолоор уг арга хэмжээг хүчинтэйд тооцуулан, зөрчил шалган шийдвэрлэх ажиллагааг эхлүүлээд байна.

Мөн GPS төхөөрөмжөөр байршлын хэмжилт хийж, ArcGIS программд тулган шалгахад элс угаах төхөөрөмж нь MV-000362 тусгай зөвшөөрлийн талбайн гадна байрлаж байсан нь тогтоогджээ.

Иймд гэмт хэргийн шинжтэй байж болзошгүй нөхцөл байдал үүссэн гэж үзэн холбогдох материалыг цагдаагийн байгууллагад шилжүүлэх саналын хамт прокурорт хүргүүлэхээр ажиллаж байгааг Байгаль орчин, уур амьсгалын өөрчлөлтийн яамнаас мэдээлэв. 

Ашигт малтмал олборлох үйл ажиллагаа эрхлэгч иргэн, аж ахуйн нэгжүүд ус ашиглахтай холбоотой хуульд заасан зөвшөөрөл, гэрээ, дүгнэлтийг бүрэн бүрдүүлж, зөвхөн тусгай зөвшөөрлийн хүчинтэй талбайн хил хязгаарт үйл ажиллагаа явуулах үүрэгтэй.

Зөрчил илэрсэн тохиолдолд хуульд заасан үндэслэлээр үйл ажиллагааг шуурхай зогсоож, холбогдох хариуцлага тооцохыг анхаарууллаа. 

2026 оны 07-р сарын 30-ны 08:00-20:00 цаг хүртэлх цаг агаарын урьдчилсан мэдээ:

Ихэнх нутгаар солигдмол үүлтэй. Баруун болон төвийн аймгуудын нутгийн хойд хэсэг, говь болон зүүн аймгуудын нутгийн зарим газраар хэсгээр бороо, дуу цахилгаантай аадар бороо орно.

Салхи нутгийн зүүн хэсгээр баруун өмнөөс, бусад нутгаар баруун хойноос секундэд 4-9 метр, нутгийн зарим газраар борооны өмнө түр зуур ширүүснэ.  

Агаарын температур: 

• Алтай, Хангай, Хөвсгөлийн уулархаг нутаг, Завхан, Байдраг голын эх, Хүрэнбэлчир орчим, Туул, Тэрэлж голын хөндийгөөр +18…+23 градус,
• говийн бүс нутгийн зүүн өмнөд хэсэг, Дорнод-Дарьгангын тал нутаг, Халх голын хөндийгөөр +34...+39 градус,
• говийн бүс нутгийн баруун болон хойд хэсэг, Хэрлэн голын хөндийгөөр +28...+33 градус,
• бусад нутгаар +22...+27 градус дулаан байна. 
• УЛААНБААТАР ХОТ ОРЧМООР: Үүлэрхэг. Бороо орно. Салхи баруун өмнөөс секундэд 4-9 метр.Өдөртөө +21...+23 градус дулаан байна. 
• БАГАНУУР ОРЧМООР:  Үүлэрхэг. Бороо орно. Салхи баруун өмнөөс секундэд 4-9 метр. Өдөртөө +20...+22 градус дулаан байна. 
• ТЭРЭЛЖ ОРЧМООР: Үүлэрхэг. Бороо орно. Салхи баруунаас секундэд 4-9 метр. Өдөртөө +19...+21 градус дулаан байна. 
• 05 цагт Улаанбаатар: +18 градус дулаан, харьцангуй чийг 95 хувь, агаарын даралт 859 гектопаскаль байлаа. Даралт өдөртөө тогтвортой байна. 

Засгийн газрын өчигдрийн хуралдаанаар улс төрийн зорилготой шийдвэр гаргасан хэмээн АН-ын дарга О.Цогтгэрэл төрийн сонгуулийн үр дүн болон сонгогчдын эрхийг хамгаалах үүрэг бүхий ажлын хэсэг байгуулжээ.

Ажлын хэсгийн ахлагч Ч.Өнөрбаяр "Эрх баригчдын хүн нь солигдсон ч арга барил нь солигдохгүй байна. Иргэдийн сонгуулийн үр дүнг хуулийн аргаар хулгайлдаг буруу жишиг цаашаа үргэлжлэх юм байна. Өчигдөр Ерөнхий сайдын захирамжаар Баян-Өлгий аймгийн засаг даргыг хуулийн үндэслэлгүй огцрууллаа. 

Бид энэ асуудал дээр намын хуульч нартайгаа нийлүүлээд шүүхэд хандана. Шүүх арай ч эрх баригч намын газар хэлтэс болоогүй байх. Ерөнхий сайдын захирамжийн асуудлыг шүүхэд өгөөд явна. 

Улс төрийн салбарт хуулийн хулгай хийдгээ болих хэрэгтэй. Жинхэнэ хариуцлагатай тооцох ёстой хүмүүс танай Засгийн газарт байна. Иргэдэд худал мэдээлэл өгөөд сууж байгаа сайд нар чинь. Бензин шатахууны үнэ нэмэгдэхгүй гэсэн хаана байна вэ, олон хоногийн нөөц байгаа гэсэн чинь хаана байна вэ. Энэ хүмүүстээ хэзээ хариуцлага тооцох вэ?

Засгийн газрын хуралдаанаар эдийн засгийн хүндрэл, өвөлжилтийн бэлтгэлийг яаж хангах асуудлыг яаралтай шийдэх ёстой. Өмнө нь яриад байсан том том авлига, хулгайн хэрэгтэйгээ яаж тэмцэх вэ. Энэ зүйлүүд дээр хариуцлага тооцох ёстой болохоос биш сөрөг хүчнээ улс төрийн зорилгоор намнадаг нь буруу жишиг. 

Энэ дээр АН зүгээр байхгүй. Ерөнхий сайдын хууль шийдвэрийг хүчингүй болгуулна. Үүний дараа Ерөнхий сайдад улс төрийн хариуцлага тооцох асуудлыг ярина. 

Ерөнхийлөгчийн сонгуулийн бэлтгэл ажилд та нар хэт их эрт оржээ. Бодлого ярьчхаад та нар захиргааны арга хэрэглэж байна. Нэг дарга том дуугараад эдийн засаг сайжрахгүй" гэв.

 

Гэрэл зургийг MPA агентлагийн онцгой зөвшөөрөлтэйгөөр ашиглав

УИХ-ын гишүүн С.Одонтуяа "МАН-д эрх мэдэл багадаагүй. Өнөөдөр 21 аймаг есөн дүүргийн дийлэнхэд МАН-д засаглаж байгаа. АН цөөхөн хэдэн аймагт засаглаж байгааг оролдож буйг бид эсэргүүцэж байна. АН-ыг бүү бас, ард түмнийг бүү бас. Е.Зангар шүлхийн асуудлаар өдөр шөнөгүй ажилласан, энэ хүн дээр ямар нэгэн хариуцлагын асуудал байхгүй. 

Тамгын газрын дарга нь захиргааны асуудал дээр алдаа гаргасан учраас засаг даргыг нь огцруулж байсан тохиолдол өмнө нь байгаагүй. Тамгын газрын дарга нь захиргаа, бүтэц орон тооны асуудал дээр алдаа гаргасны төлөө эрүүгийн ял шийтгэл оногдуулахаар улайрч байна.

Барилгын талбайг бэлтгэх хүрээнд ДЦС-2 талбайд 1961 оноос хойш 65 жил хуримтлагдсан үнсийг зөөж байгаа бөгөөд одоогийн байдлаар 20 орчим хувьтай үргэлжилж байгааг хотын дарга Б.Пүрэвдагва мэдээлэв. 

ДЦС-2-ын 65 жил хуримтлагдсан үнс нь нэг сая куб.метр бөгөөд Морингийн даваанд буулгадаг байна. 2025-2026 онд буюу нэг жилийн хугацаанд ДЦС-2, ДЦС-4 ТӨХК-уудын үнс зайлуулах системийн шугам хоолойн шинэчлэл, өргөтгөлийн ажилд нийслэлийн төсвөөс ₮7.8 тэрбумыг зарцуулахаар баталжээ.

Харин дэд бүтцийн трассын нөлөөлөлд өртсөн 26 нэгж талбараас 25 ААН газраа бүрэн чөлөөлсөн байна.

Дулааны тавдугаар цахилгаан станц нь Монгол Улсын анхны төр хувийн хэвшлийн түншлэлээр хэрэгжиж байгаа эрчим хүчний төсөл бөгөөд хувийн хэвшлийн түншлэгчээр Камбож улсын “Митайм Интернэйшнл” компани ажиллаж байгаа билээ.

Станцыг барих нийт төсөвт өртөг 658.5 сая ам.доллар бөгөөд үүнээс нийслэлийн хариуцах хөрөнгө 20% буюу 131.7 сая ам.доллар. 2025 оны арванхоёрдугаар сарын 22-ны өдрийн ханшаар тооцоход энэ нь 467.4 тэрбум төгрөг. Үүнээс 2026 онд Дулааны тавдугаар цахилгаан станц төслийг 200 тэрбум төгрөгийн бондын эх үүсвэрээр санхүүжүүлж, төслийн барилгын ажлын хугацааг 30 сараар тогтоож, 2028 оны III улиралд багтаан ашиглалтад оруулна гэж мэдээлээд байгаа юм.

Учраа бөхөө санаатайгаар тохойлдсон Д.Цэрэнтогтохын барилдах эрхийг Монголын Үндэсний Бөхийн Холбоо (МҮБХ)-ны Ёс зүй, сахилга хариуцлагын зөвлөлөөс түр түдгэлзүүлжээ.

Ёс зүйн дүрмийн дагуу зөрчил гаргагч тайлбар гарган өгөх ба хариуцлагын хугацааг Ёс зүйн зөвлөлийн хурлаар хэлэлцэн олонхын саналаар тогтоох юм.

Баянхонгор аймгийн Загд сумын харьяат, улсын начин Дашдоржийн Цэрэнтогтох нь 2018 онд улсын аварга П.Бүрэнтөгсөөр давж улсын начин, дараа жил нь тухайн үед улсын харцага цолтой байсан, өдгөө улсын аварга О.Хангайгаар тав давж, өсөх идэр чимэгтэй болж байв.

Гэвч тэр жилийн наадмаар допингийн шинжилгээнд бүдэрснээр чимгээ хураалгасан түүхтэй.

Энэ үеэр Монгол Улсын хамгийн хойд захын цэг болох Монгол шарын даваанд байрлах улсын хилийн 350 дугаар тэмдгийг шинэчлэн суурилуулав.

Монгол-Оросын 3,543 км хилийг 1987-2001 оны хооронд анх удаа хамтран шалгаж, УИХ-аар 2002 онд соёрхон баталгаажуулсан юм.

Тухайлбал комиссын анхдугаар хуралдаанаар улсын хилийн 1620 тэмдгийг шинэчлэн босгохоор тохиролцсон.

Өнөөдрийн байдлаар хилийн төхөөрөмжийн ажлын явц 85 хувьтай байна.

Ерөнхийлөгч У.Хүрэлсүх энэ үеэр Монгол-Оросын хилийг шинэчлэн баталгаажуулах ажил нь олон улсын эрх зүйн хэмжээнд хүлээн зөвшөөрөгдсөн, маргаангүй улсын хилтэй болох түүхэн чухал бодлого, арга хэмжээ гэдгийг онцлов. Мөн хоёр улсын Иж бүрэн стратегийн түншлэл, харилцан итгэлцэл, найрсаг хөршийн харилцааг улам бэхжүүлэхэд онцгой ач холбогдолтой болохыг тэмдэглэлээ.

Байгаль, цаг уурын хүндрэлтэй нөхцөлд хилийн төхөөрөмжийн ажлыг гүйцэтгэж буй комиссын бүрэлдэхүүн, холбогдох мэргэжилтнүүд, хилчин дайчдад талархал илэрхийлж, амжилт хүссэн гэж Ерөнхийлөгчийн Тамгын Газраас мэдээлэв.

Е.Зангар нь 2024 онд Баян-Өлгийн аймгийн 19 дэх Засаг даргаар томилогдон ажиллаж эхэлсэн бөгөөд Ардчилсан Намаас аймгийн иргэдийн төлөөлөгчдийн хуралд сонгогдож байсан юм. 

Тэрбээр үүрэгт ажлаасаа чөлөөлөгдсөн талаар "Ерөнхий сайд намайг Засаг даргын үүрэгт ажлаас чөлөөлж байгаа юм байна. Үүнийг улс төрийн шийдвэр гэж харлаа. Шүлхий өвчин эхэлж бэлтгэл ажлаа хийж, тэмцэж байсан үед буюу зургаадугаар сарын 4-нд манай аймгаас сонгогдсон УИХ-ын гишүүн С.Зулпхар, аймгийн МАН-ын дарга нар аймгийн засаг даргыг огцруулж өг гэх үндэслэлээр Ерөнхий сайд уулзсан байсан. 

Ийнхүү бид хоёр сар хагас хугацаанд шүлхий өвчинтэй тэмцэж байх хугацаанд манай аймгаас сонгогдсон УИХ-ын гишүүд нэг ч удаа утастаж өвчний талаар юу хийх үү гэж сэтгэл гаргаагүйд би эмзэглэсэн. Энэ нөхөд хоёр сар хагас хугацаанд аймгийн засаг даргыг огцруулах асуудлыг тавьж өнөөдөр ийм үр дүнд хүрлээ. 

Сүүлийн хэдэн сар цахим орчинд үндэсний цөөнх гэх эмзэг асуудал дээр яриа өрнөж, анхаарал татаж байгаа үед бид эв нэгдлээ бодож ярилцахын оронд аймаг дотроо эв нэгдлээ алдагдуулах алхам хийж байсныг зөв гэж бодохгүй байна" хэмээн байр сууриа илэрхийлжээ.

Засгийн газрын зүгээс ямар асуудалд үндэслэж чөлөөлсөн талаар тайлбараа одоогийн байдлаар гаргаагүй байна. 

Харин Ардчилсан намын гишүүд өнөөдөр хэвлэлийн хурал зохион байгуулж, Е.Зангарыг огцруулсан Ерөнхий сайдын шийдвэрийг шүүхэд өгөхөө мэдэгдээд байгаа юм.

Хохирогч Ина болон Дэвид Стайнер нар Массачусетс муж дахь гэрээсээ онлайн худалдааны салбарын талаар ECommerceBytes нэртэй онлайн товхимол гаргадаг хүмүүс юм.

Тэд нэг удаагийн товхимолдоо eBay компанийг шүүмжилсний дараа 2019 оноос хойш тус компанийн ажилтнуудын дарамтад өртөх болжээ.

Тухайлбал тэд онлайн орчинд заналхийлэл, сүрдүүлэг хүлээж авах болсноос гадна гэртээ янз бүрийн аймшигтай илгээмж хүлээж авах болсон байна. Амьд жоом, аалз, цусанд будагдсан гахайн баг, эхнэр/нөхрийн үхлийн дараа хэрхэн амьдрах тухай зөвлөмж ном зэргийг eBay компанийн ажилтнууд тэдэнд илгээж байжээ.

Бас автомашиных нь араас мөрдөх, автомашинд нь байрлал тогтоогч суулгахыг оролдож байсан гэнэ.

“Бидэнд тохиолдсон зүйлс дууссан гэдэгт итгэхэд бэрх байгаа ч бид үүнд маш их баяртай байна” гэж Ина Стайнер хэлжээ.

Дэвид Стайнер “Энэ нь бидэнд үлдсэн амьдралаа амар тайван өнгөрөөх боломж олгоно гэдэгт итгэж байна” гэж хэлсэн байна.

 

Дэвид, Ина Стайнер нар

Дэвид Стайнерын автомашиныг дагаж байсан түрээсийн фургоныг шалгасан мөрдөгчид eBay компанийн ажилтнуудын мөрөөр орсны дараа 2020 онд АНУ-ын хууль зүйн яам тус компанийн долоон захирал, ажилтныг яллаж, зарим нь шоронд хоригдож байжээ.

Гүйцэтгэх захирал асан Дэвин Вениг бичсэн шүүмжлэлд нь маш их уурсаж, “тэднийг дуусга” гэсэн мессэжийг бичихэд маркетингийн ахлах ажилтан асан Стив Ваймер “Би тэдний үнсийг харахыг хүсэж байна. Ямар ч аргаар хамаагүй” хэмээн хариу бичсэн нь илэрч байв.

eBay компанийн одоогийн удирдлага Стайнерын гэр бүлд $48.7 саяыг төлөхөөр тохиролцжээ. Үүний $2 сая нь Венигээс гарах юм байна.

Үүнээс гадна eBay буяны байгууллагуудад $6 саяыг хандивлаж, нүглээ наманчлахаар болжээ. Вениг хохирогч Ина Стайнерын нэрийн өмнөөс First Amendment хүний эрхийн байгууллагад $1 саяыг хандивлахаар болсон байна.

eBay компани өмнө нь 2024 онд энэ хэргийнхээ төлөө $3 саяар торгуулах шийтгэл хүлээж байсан юм.

“Бид цаашдаа Стайнерын гэр бүлээс уучлалт гуйсаар байх болно. Манай ажилтнуудын хийсэн зүйлс маш буруу, жигшмээр, хэзээ ч үйлдэгдэх ёсгүй байсан юм” гэж eBay компани мэдэгджээ.

Эх сурвалж: CBS News

Тодруулбал Сонгинохайрхан дүүргийн 18 дугаар хороо, Таван шарын автобусны буудлын ард, Баянгол дүүргийн 29 дүгээр хороо, "Акума" төвийн орчим, Баянзүрх дүүргийн 28 дугаар хороо, Хужирбуланд  иргэний эзэмшлийн хашаанд тогтсон 3 тонн үерийн усыг мотопомп ашиглан соруулж, хэвийн байдалд оруулсан байна.

Төв цэнгэлдэх хүрээлэн, Алтай хотхонд цахилгааны гэмтлийн улмаас ажиллагаагүй болсон хоёр насосны худагт цахилгаан үүсгүүр ашиглан усыг шавхжээ.

Үер, усны нөхцөл байдалтай холбогдуулан 3 байршилд  усны автомашин,  цахилгаан үүсгүүртэй 12 алба хаагч үүрэг гүйцэтгэжээ.

Харин Сүхбаатар дүүргийн нутаг дэвсгэрт ширүүн борооны улмаас авто зам, явган зам руу түрж ирсэн шороог гараар болон бобкат техникээр цэвэрлэж зорчих хэсгийг чөлөөлж байна.

Баянзүрх дүүрэг, Гачууртын ам чиглэлийн авто замд ус ихээр тогтож, зарим тээврийн хэрэгсэл зорчих боломжгүй нөхцөл үүсэж, усанд саатсан 2 тээврийн хэрэгслийг татан гаргаж, нийтийн эзэмшлийн талбайд тогтсон усыг соруулжээ.

Үүнээс гадна иргэдийн мэдээлж буйгаар Яармагийн авто зам үерт автсан байна.

Цаг агаарын нөхцөл байдал

Цаг уурын байгууллагаас мэдээлснээр долоодугаар сарын 29-ний өдрийн 20:00 цагаас дугаар сарын 30-ны өдрийн 08:00 цаг хүртэлх хугацаанд Улаанбаатар хотын төвийн зургаан дүүргийн зүүн хэсгээр 20–25 мм, урд хэсгээр 19–24 мм, Тэрэлж орчмоор 29–34 мм, Улиастай орчмоор 16–21 мм хур тунадас оржээ. Өнөөдөр бороо үргэлжлэн орох төлөвтэй байна.

Голуудын усны түвшин

Өнөөдрийн байдлаар Тэрэлжийн гол үерийн түвшин давж үерлэсэн, бусад голуудын усны түвшин хэвийн үерийн түвшинд хүрээгүй байна.

Тэрэлж 6 см, Туул-Босгийн гүүр 1см, Туул-Улаанбаатар 25 см, Сэлбэ-Санзай 4 см, Сэлбэ-Дамбадаржаа 4см, Хэрлэн-Багануур 1 см усны түвшин нэмэгджээ. Хэнтийн нуруугаар үргэлжлэн бороо ороход голуудын түвшин нэмэгдэх хандлагатай байна. 

Нийслэлийн Шуурхай штаб болон дүүргүүдийн Шуурхай штабууд үер, ус тогтдог болон үерийн эрсдэл бүхий байршлуудад хүч, хэрэгслийг бүсчилсэн байдлаар урьдчилан байршуулж, дуудлага, мэдээллийн дагуу шуурхай ажиллах бэлэн байдлыг ханган үүрэг гүйцэтгэж байна.

Өнөөдрийн байдлаар 700 гаруй хүн, 160 гаруй техник хэрэгсэл, том, жижиг 51 мото помп бэлэн байдалд байна гэж Нийслэлийн онцгой комиссын шуурхай штабаас мэдээллээ.

Нийслэлийн онцгой комиссын шуурхай штабтай холбогдох утасны дугаар 11-318392.

Яаралтай болон гамшиг осол, үер усны нөхцөл байдлын үед дараах тусгай дугааруудад холбогдох боломжтой:

• 101 - Гал түймрийн дуудлага, мэдээлэл

• 105 - Онцгой байдлын үйлчилгээ, аврах дуудлага.

Бороо үерийн улмаас цахилгаанд цохиулах болон гал түймрийн эрсдэл нэмэгддэг. Иймд гэр, орон сууц болон ажлын байрны цахилгааны аюулгүй байдлыг шалгаж, шаардлагатай бол цахилгааныг эх үүсвэрээс нь салгахыг зөвлөв. 

Усанд автсан цахилгаан хэрэгсэл, тоног төхөөрөмжийг бүрэн хатсаны дараа мэргэжлийн хүний үзлэгээр шалгуулж байж ашиглах нь зүйтэй. Мөн ил гарсан цахилгааны утас, унасан шон, кабельд ойртож, хүрэхгүй байх, цахилгаанд цохиулсан хүн байвал шууд хүрэлгүйгээр яаралтай тусламж дуудахыг зөвлөлөө. 

 

Хасагдсан тамирчин 25 настай Азиз Абдул нь Угандын дарангуйлагч агсан Иди Аминий ач хүү юм.

Тэмцээний дараа өөрт нь хандсан Press Association-ий сэтгүүлчид тэр “Чамд би ярилцлага өгөхгүй. Би чамд дургүй” гэж хэлсэн байна. Сүүлд Угандын багийн төлөөлөгч “Түүний өвөөгийн талаар бичсэн зүйлтэй чинь холбоотой” гэж татгалзсан шалтгааныг тайлбарлажээ.

Иди Амин 1971 онд төрийн эргэлтээр засгийн эрхийг авсныхаа дараа Угандад хагас сая орчим хүний амийг хөнөөж, Ази гаралтай 80,000 орчим хүнийг нутаг дэвсгэрээсээ хөөсөн юм.

Гэтэл Абдул өчигдөр Английн 21 настай Дамар Томастай тулаанд орохоосоо өмнө “өвөөгийн маань амжилт намайг зоригжуулдаг, би түүгээр маш их бахархдаг” гэж мэдэгдэж байв.

Түүний өвөө Шотландыг Англиас чөлөөлөх санал гаргаж байсан түүхтэй. Абдул ч бас нэг удаа “Шотландын шинэ хаан” болно хэмээн амлаж байсан удаатай.

Гэвч түүний өнөөдрийг хүртэл хийсэн Шотландтай холбоотой ганц зүйл нь оноогоор илүү явсан өрсөлдөгчийнхөө нүүрэнд хийсэн “Глазго үнсэлт” (нүүр рүү мөргөх) гэж нэрлэгддэг хориотой техник байлаа.

Глазго бол Шотландын хамгийн том хот билээ.

Тэмцээний дараа Абдул шударга бус шүүлтийн талаар гомдоллож байв.

“Шүүгчид маш олон алдаа гаргасан. Зуурах, тохойлдох зэрэг маш олон зөрчлийг тэд тоогоогүй. Шүүгчдийн шийдвэр шударга бус байсан, би сэтгэл дундуур байна. Тэд өрсөлдөгчийг хөнгөхөн цохиход оноо тооцож, миний хүнд цохилтыг тооцоогүй. Би бол хар арьст африк хүн. Яагаад тэд тулааныг үргэлжлүүлээгүйг би ойлгохгүй байна” гэж тэр мэдэгджээ.

Гэхдээ Абдул “Дараагийн удаа би түүнийг ялах болно. Ирээдүйд, хэзээ ч хамаагүй. Хоёр жил, таван жил, арван жил. Би түүнд Азиз Ринго (түүний хоч) бол жинхэнэ дайчин гэдгээ харуулах болно” гэж хэлсэн байна.

Эх сурвалж: Associated Press

ТАТВАР, САНХҮҮГЭЭР МЭРГЭШСЭН ХУУЛЬ ЭРХ ЗҮЙЧ АЖЛЫН БАЙРАНД

Туршлага:

• Санхүү, татвар, компанийн эрх зүй чиглэлээр ажиллаж байсан туршлагатай
• Хууль эрх зүйн чиглэлээр 5 ба түүнээс дээш жилийн ажлын туршлагатай
• Томоохон компани, групп, хөрөнгө оруулалтын төсөл дээр ажиллаж байсан бол давуу тал болно
• Шүүх, хуулийн байгууллагатай хамтран ажиллаж байсан бол давуу тал болно

Ур чадвар:

📒 Гэрээ боловсруулах, хянах, хэлэлцээр хийх
⚖ Компанийн эрх зүйн зөвлөгөө өгөх
💰 Санхүү, татварын эрх зүйн мэдлэг
🏦 Компанийн засаглал, комплаенс
📝 Эрх зүйн эрсдэлийн үнэлгээ хийх
🤝 Харилцагч байгууллагуудтай хэлэлцээр хийх

Ерөнхий шаардлага:

• Эрх зүйч мэргэжлээр бакалавр болон түүнээс дээш зэрэгтэй
• Хуульчийн мэргэжлийн үйл ажиллагаа эрхлэх зөвшөөрөлтэй бол давуу тал болно
• Гэрээ боловсруулах, хянах өндөр ур чадвартай
• Санхүү, татвар, компанийн эрх зүйн асуудлаар ажиллаж байсан туршлагатай
• Монгол Улсын Иргэний хууль, Компанийн тухай хууль, Татварын хууль болон холбогдох хууль тогтоомжийн мэдлэгтэй
• Англи хэл дээрх гэрээ, хууль эрх зүйн баримт бичигтэй ажиллах чадвартай
• Харилцааны соёлтой, хариуцлагатай, нууц хадгалах өндөр ёс зүйтэй

Үндсэн үүрэг:

• Компанийн гэрээ, хэлцлийг боловсруулах, хянах, эрх зүйн дүгнэлт гаргах
• Санхүү, татварын асуудалтай холбоотой эрх зүйн зөвлөгөө өгөх
• Компанийн үйл ажиллагаатай холбоотой хууль эрх зүйн эрсдэлийг үнэлэх
• Төрийн байгууллага болон харилцагч байгууллагуудтай эрх зүйн асуудлаар хамтран ажиллах
• Дотоод журам, дүрэм, бодлогын баримт бичгийг боловсруулах, шинэчлэх
• Шаардлагатай тохиолдолд шүүх, арбитр болон бусад байгууллагад компанийн эрх ашгийг төлөөлөн ажиллах

Цалин: Өрсөлдөхүйц өндөр цалин (туршлага, ур чадвараас хамааран)

Ажлын байрны байршил: 📍 Central Tower

📩 Доорх линкээр CV мэдээллээ бөглөнө үү. forms.gle/wB1zYCAMM74obyVD7

Тус тэмцээнд шалгарсан шөвгийн найман багаас чансаа доогуур дөрвөн баг нь өөрсдийн тоглох өрсөлдөгчөө амлаж авдаг дүрэмтэй. Үндэсний бөхөөр тайлбарлавал том цолтой нь барилдах бөхөө амлаж авдаг бол энэ тэмцээнд бага цолтой нь түрүүлж амлаж авдгаараа онцлог юм.

Дээрх дүрмийн дагуу багуудын амлагааг танилцуулбал, хамгийн эхлээд Бразилын "paiN Gaming" баг Данийн "Astralis"-ийг амлаж авсан бол үүний дараа Европын "FaZe Clan" манай улсын "The MongolZ" багийн эсрэг тоглохоор сонголоо. 

Үргэлжлүүлэн Францын "3DMAX" баг Германы "MOUZ"-ийг амласан бөгөөд Нидерландын "Team Liquid" болон ОХУ-ын "Team Spirit" багууд тунаж үлдлээ. 

Шөвгийн найман багийн тоглолт өнөө оройн 21:00 цагаас ОХУ-ын "Team Spirit" болон Нидерландын "Team Liquid" багийн учраагаар эхэлж, шөнийн 00:00 цагаас Францын "3DMAX" болон Германы "MOUZ" багийн тоглолт явагдсанаар өнөөдрийнх дуусна. 

Манай улсын "The MongolZ" баг маргааш оройн 20:30 цагаас Европын "FaZe Clan"-тай тоглох хуваарьтай байна. Үргэлжлүүлээд 23:30 цагаас Бразилын "paiN Gaming" болон Данийн "Astralis" баг хоорондоо тоглосноор шөвгийн дөрвөн баг тодорно. 

Энэ тэмцээнд манай улсын "The MongolZ" баг аваргын төлөө заавал шалгарах ёстой. Учир нь дэлхийн чансааны оноогоо ахиулж байж томоохон тэмцээнүүдэд уригдах эрхтэй болно. Одоогоор "The MongolZ" баг дэлхийн чансааны 14 дүгээр байрт бичигдэж байгаа.