Холимог тулааны хамгийн нэр хүндтэй холбоо болох Ultimate Fighting Championship (UFC)-д тулалдах эрх авахын тулд тамирчид "Road To UFC" тэмцээнд оролцдог. Дөрөв дэх улирлын тэмцээнд манай улсаас хөнгөн жинд Батбаярын Намсрай оролцох юм.
Тэмцээний эхний тулаанууд энэ сарын 22-ноос 23-ныг дуустал үргэлжилнэ. Ази тивийн шилдгүүд өрсөлдөх энэ тэмцээнд БНХАУ, Энэтхэг, Индонез, Япон, БНСУ, Монгол, Сингапур, Тайланд болон Вьетнамын тамирчид хүч сорих юм. Түүнчлэн Австрали, Шинэ Зеландын тамирчид нударга зөрүүлнэ.
Өмнө нь энэ тэмцээнээс 17 тамирчин UFC-д гэрээ байгуулсны дотор манай тулаанч Т.Нямжаргал багтаж буй юм.
Б.Намсрай хамгийн хөнгөн жин буюу 56.7 кг-ын жинд өрсөлдөнө. Түүний өрсөлдөгч нь Японы Ватарү Ямаүчи байх аж.
Манай тамирчинтай тулалдах япон эр 1999 онд төрсөн. Холимог тулаанаар найман тулаан хийхдээ долоо ялж, нэг ялагдсан үзүүлэлттэй бол манай тамирчин Б.Намсрай мөн ижил үзүүлэлттэй. Тэрбээр 2022 онд MGL холбоонд Т.Нямжаргалд ялагдсан юм байна.
"Road to UFC" тэмцээн БНХАУ-ын Шанхай хотод болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
8 СЭТГЭГДЭЛТЭЙ
|