2024 оны 3 сарын 14
НҮБ-ын Хүүхдийн Сангийн Монгол дахь төлөөлөгчийн газрын сургуулийн өмнөх боловсролын мэргэжилтэн, доктор Т.Цэндсүрэнтэй ярилцлаа. “PISA 2022 үнэлгээгээр 15 настай Монгол хүүхдүүдийн 64 хувь нь эхийг уншиж ойлгох чадвар эзэмшээгүй байна, үнэлгээ харьцангуй доогуур үзүүлэлттэй байна гээд л ярилаа шүү дээ. Тэгвэл үүнийг сайжруулах, ойлгож унших чадварыг хүүхдэд суулгах арга интерактив контентод бий. Интерактив хичээлээр хичээллэх явцдаа хүүхэд өгөгдсөн дасгал даалгаврыг гүйцэтгэж, тоглоомоо тоглохын тулд зааврыг сайн ойлгох хэрэгтэй болдог. Зааврыг ойлгоогүй тохиолдолд тоглож чадахгүй, цаашаа ахихгүй, дараагийн түвшинд очихгүй. Энд хүүхдийн ойлгож унших чадвар хөгжиж байгаа юм.”