"Өргөө зочид буудлыг нийслэлийн өмчид буцааж авах ажил үргэлжилж байна" гэлээ
Сүхбаатар дүүргийн нутаг дэвсгэр дэх Өглөөний гудамжинд байрлах “Өргөө” зочид буудлыг нийслэлийн өмчид буцааж авах асуудал өнгөрсөн оны арваннэгдүгээр сараас яригдаж эхэлсэн.
Тус зочид буудлыг нийслэлийн өмчид эргүүлэн авах шүүхийн шийдвэр 10 гаруй жилийн өмнө гарч 2025 оны арваннэгдүгээр сард зочид буудлыг нийслэлийн өмчид эргүүлэн авах тухай шаардлагыг хүргүүлж байсан билээ.
Эх сурвалжийн мэдээлснээр өнөөдрийн байдлаар өмчлөлийн асуудлаар Нийслэлийн Засаг Даргын Тамгын Газар болон тус зочид буудлыг эзэмшигч компанийн хэлцэл үргэлжилж байгаа аж.
Өргөө зочид буудлыг нийслэл өмчдөө авч дуудлагаар худалдан орлогыг энэ онд баригдах сургууль, цэцэрлэг болон нийтийн эзэмшлийн 32 талбайд байгуулах паркт зарцуулахаар төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
