Маргааш эхлэх музейн долоо хоногоор Чингис хаан болон Богд хааны музей ажиллах цагийн хуваариа танилцууллаа
Жил бүр гуравдугаар сарын эхний 7 хоногт “Музейн нээлттэй өдрүүд” арга хэмжээг зохион байгуулдаг.
Энэ өдрүүдэд Чингис хаан Үндэсний музей, Богд хааны ордон музей олон нийтэд үйлчлэх цагийн хуваариа танилцууллаа.
Тодруулбал гуравдугаар сарын 1-7-ны өдрүүдэд тус музей 09:00-16:00 цагийн хооронд ажиллана. Харин гуравдугаар сарын 3-ны Мягмар гарагт амрах хуваарьтай байна.
Чингис хааны хүндэтгэлийн өргөө болон Алтан шүтээн хөшөө нь тусгай үзэсгэлэн тул төлбөртэй байх аж.
Богд хааны ордон музей гуравдугаар сарын 1-7-ны өдрүүдэд 09:00-17:00 цаг хүртэл ажиллах бол гуравдугаар сарын 3, 4-нд амарна.
Засгийн газрын 2024 оны 96 дугаар тогтоолоор “Монголчуудын төрт ёсны уламжлал, түүх, соёлын дурсгалт зүйл, урлагийн бүтээлээр дамжуулан хүүхэд залуучуудад үндэсний бахархал, эх оронч үзлийг төлөвшүүлэх зорилгоор жил бүрийн 3 дугаар сарын эхний долоо хоногт “Музейн нээлттэй өдрүүд” арга хэмжээг зохион байгуулахаар шийдвэрлэсэн байдаг.
Энэ хугацаанаас хойш гуравдугаар сарын эхний 7 хоногт төрийн өмчит болон орон нутгийн бүх музей иргэдэд үнэ төлбөргүй үйлчилдэг болсон билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
