"Хөдөлмөр, Нийгмийн Хамгааллын дараагийн сайдыг 14 хоногийн дотор томилно"

Гэрэл зургийг MPA агентлагийн онцгой зөвшөөрөлтэйгөөр ашиглав

УИХ-ын гишүүн Т.Аюурсайхан болон Ж.Мөнхбат нар чөлөөлөгдөх хүсэлтээ энэ оны хоёрдугаар сард гаргасан. 

Уг асуудлыг энэ долоо хоногт албан ёсоор хэлэлцэн шийдвэрлэнэ гэдгийг Засгийн Газрын Хэрэг Эрхлэх Газар(ЗГХЭГ)-ын дарга Д.Амарбаясгалан өнөөдөр Төрийн ордонд сэтгүүлчдэд мэдээлэл өгөх үеэрээ хэлэв. 

Мөн ЗГХЭГ-ын дарга Д.Амарбаясгалан "Энэ долоо хоногт сайдаас чөлөөлнө. Засгийн газрын тухай хуулиараа 14 хоногийн дотор Ерөнхий сайд дараагийн сайдыг оруулж ирдэг" гэв.

Т.Аюурсайхан нь 2022 оны аравдугаар сарын 21-нд сайдаар томилогдсон ч дөрвөн сар орчмын дараа буюу 2023 оны хоёрдугаар сарын 7-ны өдөр чөлөөлөгдөх хүсэлтээ гаргасан.

Харин Ж.Мөнхбат нь энэ оны хоёрдугаар сарын 1-нд УИХ-ын гишүүний бүрэн эрхээс татгалзах хүсэлтээ гаргаж байв.