"Гадаад улсын Элчин сайд итгэмжлэх жуух бичгээ өргөн барих тул хамгаалалт гаргасан"
Д.Сүхбаатарын талбайд хамгаалалт гарч, тодорхой хэсгийг хашаалжээ.
Ямар учраас ийнхүү хамгаалалт авсныг Сүхбаатар дүүргийн Цагдаагийн I хэлтсээс тодруулахад "Гадаад улсын Элчин сайд итгэмжлэх жуух бичгээ өргөн барьж байгаа. Иймд төрийн тусгай хамгаалалтын хэлтсээс хамгаалалт авсан байх. Манай хэлтсээс биш.
Элчин сайд нар жуух бичгээ өргөн барих үед хамгаалалт гардаг" хэмээв.
Ерөнхийлөгчийн Тамгын Газраас тодруулснаар өнөөдөр Австрали улсаас Монгол Улсад суух Элчин сайдаар томилогдсон Лео Зенг Ерөнхийлөгчид итгэмжлэх жуух бичгээ өргөн барих юм байна.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
