"Зайсан орчмын дулааны шугамын шинэчлэл, засварын хуваарийг "УБДС" компанийн цахим хуудсанд оруулна" гэлээ
Хан-Уул дүүргийн 17, 18 дугаар хорооны оршин суугчдад "Тавдугаар сарын 20-ноос есдүгээр сарын 15-ныг хүртэл халуун усаар хангахгүй" гэсэн мэдэгдлийг "Улаанбаатар Дулааны Сүлжээ" ТӨХК-аас хүргүүлжээ. Тус компаниас гаргасан зуны төлөвлөгөөт их засварын хуваарьт энэхүү байршил байгаагүй юм.
Дөрвөн сарын хугацаанд Сурага монгол салааны дулааны шугамыг шинэчлэх ажлыг "Хангилцаг" ХХК гүйцэтгэнэ гэж мэдэгдэлд дурдсан байна.
Дулааны шугамын шинэчлэлийн ажлын талаар "Улаанбаатар Дулааны Сүлжээ" ТӨХК-аас лавлахад "Сурага монгол салааны дулааны шугамыг шинэчлэх ажлыг хэсэгчилж хийх юм.
"УБДС" компанийн фэйсбүүк, сайт дээр мэдээллээ шинэчилж, оруулна. Тэндээс мэдээлэл авах боломжтой" гэлээ.
Сурага монгол салааны зарим хэсэгт холбоос шугамууд гаргаж оршин суугчдыг халуун усаар хангах боломжийг судалж байгаа бөгөөд шугамыг эзэмшигч байгууллагууд зөвшөөрвөл, хэрэгжинэ гэжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
