Иргэний нисэхийн ерөнхий газрын дарга С.Мөнхнасан өнгөрсөн амралтын өдрүүдээр Хэнтий аймагт ажиллав.
Монгол Улсын Засгийн газар, Арабын Эдийн засгийн хөгжлийн Кувейтийн сан хооронд хийгдсэн хэлэлцээрийн хүрээнд хийгдэж буй Хэнтий аймгийн Өндөрхаан нисэх буудлыг шинэчлэн барих төслийн үйл явцтай газар дээр нь очиж танилцан, төсөл хариуцсан нэгжийн холбогдох албан тушаалтнуудтай уулзлаа.
Төслийн хүрээнд хийгдэж буй 2200х30 метр хөөрч буух шороон зурвасын барилгын ажил энэ оны нэгдүгээр сарын 23-ны өдрийн байдлаар 70 хувийн гүйцэтгэлтэй явагдаж байна.
Зорчигч үйлчилгээний барилгын гүйцэтгэгчийг 2022 оны нэгдүгээр улиралд багтаан, хуулийн дагуу сонгон шалгаруулах юм.
Мөн Хэнтий аймгийн Дадал сумын Дэлүүнболдог нисэх буудлыг шинэчлэн барих төслийн хүрээнд хийгдэж буй зорчигч үйлчилгээ болон гараашийн барилгын ажлын явцтай танилцав. Тус төслийн явц нэгдүгээр сарын 23-ны өдрийн байдлаар 20 хувийн гүйцэтгэлтэй байна.
ИНЕГ-ын дарга С.Мөнхнасан уг төслийг хариуцсан албан тушаалтнуудад холбогдох үүрэг даалгаврыг өглөө.
Эх сурвалж: ИНЕГ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
|
24 СЭТГЭГДЭЛТЭЙ
|
