Жангар тууль театрын тайзнаа амилна

Ард түмний дунд ам дамжин баяжигдаж явдаг аман зохиолын нэгэн хэлбэр болсон үнэт өв бидний амьдарч байгаа энэ цаг үед тууль хайлах орчингүй, сонсогчгүй болж, мартагдах устахын аюулд хүрээд буй нууц биш.

Тэгвэл УГЗ Л.Ванганы нэрэмжит Завхан аймгийн хөгжимт жүжгийн театрын  хамт олон ЖАНГАР туулийг театрын тайзнаа хүүхдийн жүжиг болгон туурвиж, эх орныхоо гэрэлт ирээдүй болсон хүүхэд багачуудад хүргэхээр ажиллаж байна.

ЖАНГАР туулийг ийнхүү хүүхдийн жүжиг болон туурвиж, театрын тайзнаас хүүхэд багачуудын оюун санаанд  амилуулснаар өөрсдийн өвөг дээдэс, соёл уламжлалаар бахархах, соёлын биет болоод биет бус өвийн утга, бэлэгдэл, хэрэглээнд суралцаж түүнийг өвлөн авч хадгалан хамгаалж түгээн дэлгэрүүлэх чухал ач холбогдолтойг ухамсарлан эрхэм зорилгоо болгон ажиллаж буй Завхан аймгийн хөгжимт жүжгийн театрын хамт олонд талархал илэрхийлж, уран бүтээлийн өндөр их амжилтыг хүсэн ерөөе.