Энэ сарын 7, 9, 10-нд нутгийн хойд хэсгээр бороо орж сэрүүхэн байна

Гэрэл зургийг MPA агентлагийн онцгой зөвшөөрөлтэйгөөр ашиглав

Наймдугаар сарын 7, 9, 10-нд нутгийн хойд хэсгээр бороо орж сэрүүхэн байхыг цаг уурын байгууллагаас мэдээллээ. 

2025 оны наймдугаар сарын 07-11-нийг хүртэлх цаг агаарын урьдчилсан төлөв:

Хур тунадас: 

• Наймдугаар сарын 07-нд төвийн аймгуудын ихэнх нутаг, зүүн аймгуудын нутгийн хойд хэсгээр,
• Наймдугаар сарын 08-нд Монгол-Алтай, Хөвсгөл, Хэнтийн уулархаг нутаг, Хэрлэн, Онон голын сав газар, Дорнодын тал нутгаар,
• Наймдугаар сарын 09-нд баруун аймгуудын нутгийн хойд, зүүн аймгуудын нутгийн баруун хойд хэсэг, төв, говийн аймгуудын нутгийн зарим газраар,
• Наймдугаар сарын 10-нд нутгийн хойд хэсгээр бороо, дуу цахилгаантай аадар бороо орно.

Салхи ихэнх хугацаанд секундэд 5-10 метр, борооны өмнө түр зуур ширүүснэ.

Агаарын температур:

• Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Эг-Үүр, Тэрэлж голын хөндийгөөр шөнөдөө +3...+8 градус, өдөртөө +16...+21 градус,
• говийн бүс нутгийн өмнөд хэсгээр шөнөдөө +19...+24 градус, өдөртөө +31...+36 градус,
• бусад нутгаар шөнөдөө +10…+15 градус, өдөртөө +23...+28 градус дулаан байна.
• Наймдугаар сарын 9-нд баруун аймгуудын нутгийн хойд хэсгээр, 10-нд нутгийн хойд хэсгээр сэрүүснэ.