"Нийтийн эзэмшлийн зам, талбайг өдөр бүр 1,300 орчим ажилтан цэвэрлэж байна" гэлээ
Нийслэлийн есөн дүүргийн нийтийн эзэмшлийн зам, талбайг өдөр бүр 1,300 орчим ажилтан цэвэрлэж байна гэж албаны эх сурвалжууд мэдээлж байна.
Харин Хот тохижилтын газар" ОНӨААТҮГ-ын хэмжээнд зам цэвэрлэгээний тусгай зориулалтын техник технологи ашиглаж цас, мөс, хогийг цэвэрлэж байгаа аж. Өчигдөр л гэхэд Нарангийн хогийн цэг, Цагаан давааны хогийн цэг болон Морингийн давааны хогийн цэгүүдэд 2,008 тонн хог хаягдлыг тээвэрлэжээ.
Зам, талбайг цэвэрлэж байгаа ч иргэд халтирч унах, гэмтэж, бэртэх эрсдэлээс сэргийлэхийг зөвлөв.
Цаг уурын байгууллагаас мэдээлснээр ойрын хоногуудад ихэнх нутгаар цаг агаар тогтуун, хүйтний эрч хадгалагдана.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
