Японы батлан хамгаалахын сайд цэргүүдийн хамт шүхрээр буух дадлага сургуулилалтад оролцжээ
Ням гарагт Япон улсын өөрийгөө хамгаалах зэвсэгт хүчний агаарын явган цэргийн нэгдүгээр бригад шинэ оны анхны бэлтгэл сургуулилалтаа Чиба мужийн Фүнабаши хот дахь Нарашино баазад зохион байгуулжээ.
Уг арга хэмжээнд тус улсын батлан хамгаалахын сайд Шинжиро Коизүми биечлэн оролцсон байна.
Энэ үеэр сайд 11 метрийн өндөр цамхгаас шүхрээр буух дадлага сургуулилалтыг цэргүүдийн хамт гүйцэтгэжээ.
“Үнэхээр гайхалтай байлаа” гэж Коизүми сайд шүхрээр буусныхаа дараа сэтгүүлчдэд хэлсэн байна.
Алслагдсан арлыг гадаадын түрэмгийллээс хамгаалах зорилготой уг байлдааны сургуулилалтад 2,100 орчим алба хаагч оролцжээ
Салхитай байсан тул онгоцноос шүхрээр буух ажиллагааг цуцалсан ч газар дээр явуулсан сургалтад АНУ, Австрали зэрэг нийт 14 улсын армийн төлөөлөл оролцсон байна.
Японы өөрийгөө хамгаалах зэвсэгт хүчин энэ сургуулилалтаар холбоотнуудтайгаа батлан хамгаалах салбарын хамтын ажиллагааг өргөжүүлэхийг зорьж байгаа гэнэ.
Энэ зорилгын хүрээнд батлан хамгаалахын сайд Коизүми энэ долоо хоногт Вашингтонд айлчилж, АНУ-ын батлан хамгаалахын сайд Пит Хэгсэттэй уулзах юм.
Эх сурвалж: Japan Today
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
