ХӨСҮТ: Аялж зугаалахдаа хачигт хазуулахаас сэргийлж, малгай, тод өнгийн хувцас өмсөнө үү
Монгол Улсад жил бүрийн гуравдугаар сарын сүүлээс хачигт халдварын өвчлөл нэмэгддэг байна.
2003-2024 онд хачигт халдварын нийт 3,080 тохиолдол бүртгэгдэж байсны 70 гаруй хувь нь хачигт риккетсиоз байна. Энэ нь бэлчээрийн хачиг буюу хонинд шимэгчлэн амьдардаг хачгаар үүсгэгдэх халдвар бөгөөд жил бүрийн гуравдугаар сарын сүүлээс нэмэгддэг аж.
Харин хачигт энцефалит, хачигт боррелиоз нь ойн хачгаар дамждаг, жил бүрийн тавдугаар сарын сүүлээс өвчлөл нь ихэсдэг байна.
Халдварт Өвчин Судлалын Үндэсний Төв(ХӨСҮТ)-ийн нэгжийн дарга Н.Сувдмаа "Гуравдугаар сарын 16-наас буюу өвчний үечлэлээс эхлээд хачигт хазуулсан өгүүлэмжтэй 44 хүн хандсан. Үүнээс хачигт риккетсиозоор таван хүн эмчлүүлж байна. Эдгээр хүн Төв, Завхан аймаг, Багануур дүүрэгт хачигт хазуулсан өгүүлэмжтэй. Иймээс ой мод ихтэй газар ажиллаж амьдардаг, эсвэл аялахаар зорчиж буй хүмүүс анхаарал болгоомжтой байх хэрэгтэй.
Хэрэв хачигт хазуулсан бол зөв сугалж авна уу. Хачгийг буруу сугалбал үлдэц нь үлдэн хүндэрч, цаашдын явц таагүй нөхцөлд хүргэдэг" хэмээв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
2 СЭТГЭГДЭЛТЭЙ
|
