Х.Нямбаатар: Зөвшөөрөгдсөн хэмжээнээс хэтрүүлж ачаа ачсан асуудлыг өөхшүүлэхгүй байхыг хүсье
Энэ сарын 19-нд том оврын ачааны машинуудыг Баянзүрхийн товчоогоор нэвтрүүлэхгүй байжээ.
Уг асуудалд хотын дарга Х.Нямбаатар тайлбар өгчээ.
Тэрбээр "Иргэдээс гаргасан санал гомдлын дагуу Тээврийн Цагдаагийн Албанаас шалгалт хийхэд тонн жин хэтрүүлж зорчих хэсгийг бохирдуулсан зөрчлүүд илэрснийг хууль журмын дагуу арга хэмжээ авч, товчоогоор нэвтрүүлсэн байна. Зорчих эрхийг хаасан хорьсон зүйл огт байхгүй. Тонн жин хэтрүүлэн зорчих нь нийслэлийн төсвөөр шинээр тавигдсан болон зассан замууд эвдрэх гол хүчин зүйл нь болдог.
Зөвшөөрөгдсөн хэмжээнээс хэтрүүлж ачаа ачсан, хууль журам зөрчсөн иймэрхүү асуудлыг өөхшүүлэхгүй байхыг хүсье" гэв.
Даац хэтрүүлэн тээвэр хийсэн бол авто зам, замын байгууламжийг эвдэж, гэмтээсэн, ашиглах боломжгүй болгосон бол учруулсан хохирол, нөхөн төлбөрийг гаргуулж, хүнийг гурван зуун нэгж буюу 300,000 төгрөгөөр, хуулийн этгээдийг гурван мянган нэгж буюу гурван сая төгрөгөөр торгодог байна.
Авто тээврийн хэрэгслийн байдалд тавих ерөнхий шаардлага MNS 4598:2020 стандартад заасан автотээврийн хэрэгслийн бүх жингийн зөвшөөрөгдөх дээд хэмжээ 44 тонн гэж заажээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
22 СЭТГЭГДЭЛТЭЙ
|
