БУДАПЕШТ 2025: Кадербекийн Ёолк дэлхийн дэвжээнээс ХҮРЭЛ медаль хүртлээ
Унгарын Будапешт хотод өнөөдөр эхэлсэн жүдогийн насанд хүрэгчдийн Дэлхийн Аварга Шалгаруулах Тэмцээн (ДАШТ)-ий эхний өдөр эмэгтэйчүүдийн 48 кг, эрэгтэйчүүдийн 60 кг-ын медальтнууд тодорч байна.
Эрэгтэйчүүдийн 60 кг-ын жинд Казирбекийн Ёолк хүрэл медаль хүртлээ.
Өдгөө 24 настай К.Ёолк эхний даваанд АНУ-ын Жонатан Ян, хоёрдугаар тойрогт Эквадорын Жонатан Бенаведис нарыг ялсан ч хэсгийн аваргын төлөө орос жүдоч Аюб Блиевт дийлдсэн билээ.
Улмаар дагах барилдаанд нутгийн бөх Цинад Фечког, хүрэл медалийн төлөө Бразилын Мишель Аугустог ялснаар дэлхийн дэвжээнээс анхны медалиа зүүв.
Ийнхүү Монголын жүдочдоос дэлхийн 35 дахь медаль, 24 дэх хүрлийн эзэн тодорлоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
