Сар шинийн баярт зориулсан өргөтгөсөн худалдаа энэ сарын 27-ныг хүртэл үргэлжилнэ
Сар шинийн баярыг угтан жил бүр “Амар байна уу” өргөтгөсөн үзэсгэлэн худалдааг уламжлал болгон зохион байгуулдаг. Энэ жилийн үзэсгэлэн худалдаа "Соёолж молл болон Их наяд" худалдааны төвд энэ сарын 27-ны өдөр хүртэл үргэлжилнэ.
Үзэсгэлэн худалдаанд түрээсийн ямар нэгэн төлбөргүйгээр 21 аймаг, нийслэлийн есөн дүүргийн 1,000 гаруй жижиг, дунд бизнес эрхлэгч оролцож, үйлдвэрийн үнийг санал болгож байгаа аж. Тэд өөрсдийн урласан эсгий, модоор хийсэн бүтээгдэхүүн болон дээл, малгай, хөөрөг, бээлий, цүнх, цагаан идээ, хүнсний ногоо зэрэг 50,000 нэр төрлийн бүтээгдэхүүнийг дэлгэжээ.
Жижиг, дунд үйлдвэрлэгчдийн бүтээгдэхүүний хийц, загвар, өнгө өмнөх жилүүдийнхээс сайжирсан болохыг оролцогчдын зүгээс хэлж байна.
Цагийн хуваарийн хувьд үзэсгэлэн худалдаа өдөр бүр 09:00-20:00 цагийн хооронд үргэлжилнэ.
XVII жарны могой жилийн цагаан сарын баяр гуравдугаар сарын 1-ний Бямба гарагт тохиох билээ.
Цагаан сарын баярыг тэмдэглэхэд нэг өрх дунджаар зөвхөн хүнсэндээ 1.2 сая төгрөг зарцуулж буй тооцооллыг 2023 онд Үндэсний Статистикийн Хорооноос гаргаж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
