Нийслэлийн иргэдийн хэрэгцээнд 8,713 тонн нөөцийн мах бэлтгэснээс дөрвөн сар шахам хугацаанд 144 тонныг л зарсан байна
Нөөцийн махны өргөтгөсөн худалдаа тавдугаар сарын 31-ээс зургаадугаар сарын 6-ныг дуустал үргэлжлэх бөгөөд хонины мах гулуузаараа нэг килограмм нь 10,000 төгрөг бол үхрийн махыг 13,000 төгрөг.
Харин нийслэлийн есөн дүүргийн 446 хүнсний дэлгүүрт нөөцийн махыг жижиглэнгээр худалдаалж байгааг мэдээллээ.
Энэ тухай УБЗАА-ны Хүнс, худалдаа, үйлчилгээний газрын дарга Ж.Дуламсүрэн "Нийслэлийн иргэдийн хаврын хэрэгцээнд зориулан 8,713 тонн махыг үйлдвэрийн аргаар бэлтгэн худалдаалж байна. Үүнээс 40% үхрийн мах бол 60% хонины мах юм.
Нөөцийн махыг бэлтгэсэн 10 ААН-ийн төлөөлөлтэй хэлэлцэж, махны үнийг хямдруулаад байна.
Тухайлбал нэг кило нь 13,800 төгрөгөөр зарагдаж байсан үхрийн махыг өргөтгөсөн худалдаагаар 13,000 төгрөг, жижиглэнгээр буюу дэлгүүрүүдэд 13,300 төгрөг болгосон. Хонины махыг нэг килограммыг өргөтгөсөн худалдаагаар 10,000 төгрөг, жижиглэнгээр 10,300 төгрөгөөр худалдаалж байна.
Өргөтгөсөн худалдааны хуваарийг долоо хоног бүр шинэчлэн гаргаж, нийтэд мэдээлдэг" гэв.
2025.05.31-2025.06.06-нд нөөцийн махны өргөтгөсөн худалдаа гарах байршлууд:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
