Ирээдүйн орон сууц – EcoCapsule
Хаана ч аваачаад амьдарч болох нар, салхины эрчим хүчний үүсгүүр бүхий зөөврийн сууц EcoCapsule-ыг Словакын Nice Architects компани бүтээжээ.
Насанд хүрсэн хоёр хүн амьдрах боломжтой уг сууц нь 100 хувь сэргээгдэх эрчим хүчээр ажиллаж, борооны усыг тосч цэвэршүүлэн ашиглах шийдэлтэй.
Ойролцоогоор 11 метр квадрат талбайтай зөөврийн сууцанд ор, ажлын ширээ, гал тогоо, жорлон, угаалгын өрөө бүгд бий.
Компаний мэдэгдэж байгаагаар энэ оны сүүлээр захиалга авч 2016 оны эхний хагаст эхний хэрэглэгчиддээ хүрэх гэнэ.
Харин үнийн талаар мэдээлээгүй байна.
Энэ долоо хоногийн сүүлээр Венна хотод болох Pioneer Festival-д тэд анх удаа олон нийтэд үзүүлэх ажээ.
Манай Монгол орны нөхцөлд зуны улиралд, зуслангийн зориулалтаар ашиглах боломжтой санагдлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
