ШИНЭ КИНО: "Миний хайр"
Single Ladies киногоороо үзэгчдээс өндөр үнэлгээ авсан найруулагч Бондоолой буюу Ц.Золжаргал, кино зохиолч А.Миеэгомбо нарын хамтарсан бүтээл "Миний хайр" инээдмийн мелодрам уран сайхны кино энэ сарын 16-нд Тэнгис, Өргөө, Соёмбо кино театруудад нээлтээ хийх гэж байна.
Кинонд залуу хосуудын хайр дурлал, гэр бүлийн амьдралын өнгөт мөчүүд ялимгүй маргаанаас үүдэлтэй үл ойлголцол, тэрчлэн найз нөхөд, гэр бүлийн нөлөөгөөр хэрхэн салалт болон хувирдаг талаар өгүүлдэг.
Энэхүү киноны гол дүрүүдийг A-Capella хамтлагийн дуучин Э.Мөнхтөр болон “Ийм Нэгэн Дурлал” киноны дүрээр танигдсан жүжигчин Б.Баярмаа нар чадварлагаар бүтээж, залуу хосуудын дотоод сэтгэлийн өөрчлөлт, хувьсалыг бодитоор мэдрүүлэх бүтээлийг гаргажээ.
Трэйлер:
Киноны туслах дүрүүдэд:
- Э.Ууганбаяр
- Б.Билэгдэмбэрэл
- Дуучин П.Баярцэнгэл
- “Маск” продакшны жүжигчин Ш.Жавхлан
- “Seven” телевизийн хөтлөгч Ж.Мөнхзул, Г.Золзаяа, М.Дорждагва, А.Энхбаяр, Ш.Алтантуяа, Р.Адъяа нар тоглосон.
Харин киноны дуунуудыг UFO хамтлаг, дуучин Г.Тэнүүн, залуу дуучин Ж.Оюунтүлхүүр нар амилуулжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
