Нийслэл хотод таван өдөр бүх нийтийн их цэвэрлэгээ зохион байгуулна
Нийслэл хотод сар шинийн баярыг угтсан бүх нийтийн их цэвэрлэгээг ирэх сарын 10-15-ны өдрүүдэд зохион байгуулахаар болжээ.
Аж ахуйн нэгж, байгууллага бүр орчныхоо 50 метр хүртэлх нийтийн эзэмшлийн зам талбайг цэвэрлэх, байгууллагынхаа хайс хашлага, хогийн сав, гадна фасад, хаяг, хаягийн байгууламжийг угааж өнгө үзэмжийг сайжруулах үүрэгтэй байдаг. Иймд иргэн, аж ахуйн нэгжийг бүх нийтийн цэвэрлэгээнд идэвхтэй оролцохыг уриалж байна хэмээн Нийслэлийн Засаг Даргын Тамгын Газрын хэвлэлийн хэлтсээс мэдээллээ.
Улаанбаатар хотод нэг жилд найман удаагийн их цэвэрлэгээг зохион байгуулдаг байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
