• 12 сарын 26, Пүрэв
|
Уншиж байна ...
Зураг
Зураг

"Онлайн усны тоолуур тавьж, хэрэглээ нь хэтрээд эхэлбэл автоматаар зогсоодог болно"

М.Батчимэг, ikon.mn
2024 оны 11 сарын 14
IKON.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Улаанбаатарт буй худгийн асуудлыг хэрхэн шийдэхээр болсон талаар Усны газраас өнөөдөр дараах мэдээллийг өглөө. 

Улаанбаатар хотод байгаа худгийн тоог нэмэхгүй нь тулд өнөөдрөөс эхлээд тоолуургүй ус ашигласан тохиолдолд автоматаар хууль бус ус ашиглалт байна гэж үзээд торгууль буюу ашиглаж болох усны нөөцийг нь гурваар үржүүлсэнтэй тэнцэх хэмжээний мөнгийг авахаар болсон гэдгийг Усны газраас мэдэгдлээ.

"Усны үнийг зөвхөн хэмнэхийн тулд нэмж байгаа"

Энэ талаар Усны газрын дарга З.Батбаяр Улаанбаатар хотод одоогийн байдлаар айл өрх, ААН-үүдийн 17,000 худаг байна. Нэг худгийг тойроод 40 жорлон байгаа учир нэмж худаг гаргаад хэрэггүй болсон байна. Түүнчлэн байшин барих гэж л байгаа бол эхлээд цэвэр, бохир усныхаа шугамыг тат гэдэг стандартыг дагаж мөрдөх хэрэгтэй байна.

Худаг болгон дээр тоолуур тавина. Шинээр тавих тоолуурууд онлайн байна. 1,000 литр усыг хоёр айл хэрэглэх боломжтой байтал 2,000, 3,000 литр руу ороод эхэлбэл шууд автоматаар хэрэглээг нь зогсооно. Ахуйн хэрэглээ биш үйлдвэрлэлийн хэрэглээ байна гэж үзээд үнийг нь нэмээд явна. 

Усны үнийг зөвхөн хэмнэхийн тулд нэмж байгаа. Мөн усны төлбөр төлөхгүй явж ирсэн Улаанбаатар хотод үйл ажиллагаа явуулж байгаа зочид буудал, хувийн эмнэлэг, сургуулиуд, цайны газар болгон дээр ус ашигласны төлбөрийг нэмж тооцно" гэв.