Т.Доржханд: Давсгүй хоол амтгүй гэдэг шиг Б.Ганхуяггүй бол энэ сонсгол үр дүнгүй шүү
"Нүүрсний" нээлттэй сонсгол гурав дахь өдрөө үргэлжилж байна.
Өнөөдрийн үдээс хойшхи сонсголоор "Эрдэнэс Тавантолгой" ХК-ийн худалдан авах үйл ажиллагаатай холбоотой мэдээллийг компани тус бүрээр нь сонсож байгаа юм.
Энэ үеэр УИХ-ын гишүүн Т.Доржханд дараах байр суурийг илэрхийлэв.
Тэрбээр "Энэ хүмүүс худалдан авах ажиллагааг явуулсан юм байна. Хэн гарын үсэг зурсан юм? Гарын үсэг зурсан хүн нь "Эрдэнэс Тавантолгой" ХК-ийн гүйцэтгэх захирал Б.Ганхуяг биз дээ. Энэ хүнийг бүгд сонсгол оруулъя гэж ярьсан, гэрчээр дуудсан. Энэ хүн оролцъё гэж хүсэлтээ тавьж байгаа боловч шүүхийн шийдвэртэй учир оролцох боломжгүй гэсэн тайлбарыг өгсөн байна.
Давсгүй хоол амтгүй гэдэг шиг Б.Ганхуяг байхгүй бол энэ сонсгол үр дүнгүй шүү. Оролцуулах чиглэлээр нь түр хороо ажиллах ёстой. Нэг жилийн өмнө нээлттэй сонсгол хийсэн. Яг сонсголоос өмнө зарим нэг нөхөд өвчтэй, чөлөөтэй, гадагшаа явсан гээд зугтсан. Энэ нөхцөл байдал давтагдах вий дээ.
Эрдэнэс Тавантолгойтой холбоотой ялангуяа хамгийн том хулгай оптек гэрээтэй холбоотой асуудал ярих үед Б.Ганхуяг шиг Х.Баттулга, Голомтын гэдэг Баясгалан гэх мэт нөхөд ирэхгүй байх вий дээ. Хилийн хоригийг нь тавих хэрэгтэй" гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
24 СЭТГЭГДЭЛТЭЙ
|
