2021/06/15
Америк доллар
МОНГОЛ БАНК:
2,849.03₮
B30
УЛААНБААТАР
17°
|
11°
B30
УЛААНБААТАР
14°
|
B30
УЛААНБААТАР
16°
|
18:00
S40
11°
19:00
S40
11°
20:00
S40
10°
21:00
S40
22:00
S29
23:00
S29
00:00
S29
01:00
S29
02:00
S29
03:00
S29
04:00
S26
05:00
S26
Энэ мэдээ хуучирсан буюу 2021/03/31 -нд нийтлэгдсэн мэдээ болно.

Нью Йорк хотын цагдаагийн газар 65 настай Ази эмэгтэйг зэрлэгээр зодсон этгээдийг эрэн сурвалжилж байна

Т.Давааням, ikon.mn
2021 оны 3 сарын 31
iKon.MN
Зураг

Даваа гарагийн өглөө Манхэттэн дүүрэгт 65 настай Ази эмэгтэйг нэг эрэгтэй зэрлэгээр зодсон хэрэг гарсныг Нью Йорк хотын цагдаагийн газар мөрдөж эхэлжээ.

Хяналтын камерт уг үйл явдал бичигдэж үлдсэн байна. Хэрэг гарах үеэр ойролцоох супермаркетын хамгаалагч туслах арга хэмжээ авалгүй өнгөрсөнд харамсаж байгаагаа цагдаагийн газрын мэдэгдэлд дурджээ.

Хохирогч эмэгтэй биедээ хүнд гэмтэл авч, эмнэлэгт хүргэгдсэн байна. Гэмт этгээд энэ үеэр “F**k you. You don’t belong here” гэж хашхирч байсныг харсан хүмүүс гэрчилжээ.

Халдлага үйлдсэн этгээдийн камерны бичлэгт үлдсэн зургийг цагдаагийн газар сошиал сүлжээнд тарааж, иргэдээс мэдээлэл өгөхийг хүссэн байна.

Даваа гарагт Нью Йорк хотын цагдаагийн газар тус хотын метронд гарсан өөр нэг гэмт хэргийн дүрс бичлэгийг нийтэд тарааж, гэмт этгээдийг олоход туслахыг хүмүүст уриалжээ.

Уг бичлэг дээр Ази гаралтай эрэгтэйг нэг этгээд боож унаган зодож байгаа нь гарсан байна.

Нью Йорк хотод энэ он гарсаар Ази гаралтай хүмүүст халдсан 31 гэмт хэрэг бүртгэгджээ. 2020 оны мөн үед 11 ийм хэрэг бүртгэгдэж байсан гэнэ.

Саяхан тус хотын цагдаагийн газар Ази гаралтай цагдаагийн албан хаагчдыг энгийн хувцастай эргүүлд гаргах арга хэмжээ авч хэрэгжүүлэхээр болсон юм.

 

Эх сурвалж: Russia Today

 

x