Нано Фэшн ХХК ийн ажилтнууд эмзэг бүлгийн хүүхдүүдэд тусаллаа

Нано Фэшн ХХК нь байгуулагдсан цагаасаа нийгмийн хариуцлагын хэрэгжүүлэхийн хүрээнд олон талт ажлууд зохион байгуулж ирсэн юм. Тэд  энэ удаад Сонгинохайрхан дүүрэгт байрладаг эмзэг бүлгийн хүүхдүүдийн сайн дурын асрамжийн газар болох Эрдэм төвийн бяцхан хүүхдүүдэд шинэ ор хөнжлийн даавуу болон эсгий гудас бэлэглэлээ. 

Тус төв нь анх 2006 оны 08 сараас эхлэн үйл ажиллагаагаа явуулж эхэлсэн бөгөөд 18 бүтэн болон хагас өнчин, эцэг эх, ах дүүс нь өсгөж хүмүүжүүлэх боломжгүй хүүхдүүдийг асрамжандаа аван үйл ажиллагаагаа эхлүүлж байжээ.

Одоогийн байдлаар эрдэм төвд 02-17 насны 30 орчим хүүхдүүдийг халамжилж өсгөн хүмүүжүүлж байна. Тус асрамжийн төвийн багш ажилчид нь бүх хүүхдүүдийг цэцэрлэг болон  сургуульд нь бүрэн хамруулж, амьдралд зөв хүн болж төлөвшин гарахад шаардлагатай бүхий л орчинг өөрсдийн гараар бүрдүүлэн өгөхийг зорьж байгаа ажээ. 

Нано Фэшн ХХК компаниас тус асрамжийн газар хүмүүжиж буй хүүхдүүдийг тав тухтай унтаж амарч, эрүүл саруул өсөж торниход нь тус болох үүднээс хүүхэд бүрт монгол цэвэр эсгий гудас, ор хөнжлийн даавуугаар бэлэг барьж бяцхан хүүхдүүд болон багш ажилчдыг баярлууллаа. 

 

Бяцхан үрсийн минь бие эрүүл, ухаан саруул байх болтугай!