Х.Нямбаатар: Яндангүй бүсийг зарлана. Сайжруулсан түлшний шилжилтийн дараагийн төлөвлөгөөг гаргасан

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн утаа болон бусад асуудлаар хотын дарга Х.Нямбаатар өнөөдөр мэдээлэл хийж байна. 

Хотын дарга Х.Нямбаатар хэлэхдээ "Улаанбаатар хотын удирдлагын багаас сайжруулсан түлшний шилжилтийн ДАРААГИЙН ТӨЛӨВЛӨГӨӨГ өнөөдөр гаргасан. Энэ талаар Засгийн газрын хуралдаанд товч танилцуулсан.

Эхний ээлжинд яндангүй бүсийг зарлана. Гуравдугаар сардаа багтаж яндангүй бүсэд 20,000 айлыг LNG газ руу шилжүүлэх төр, хувийн хэвшлийн түншлэлийн гэрээг цагаан сарын өмнө багтаж байгуулахаар ажиллаж байна.

Энэ байгууллагатай жил гаруй хамт ажиллаж, тооцоо судалгааг хийсэн. Улмаар зураг төсөв, Техник Эдийн Засгийн Үндэслэл (ТЭЗҮ) бэлэн болсон.

Барилгын ажил гуравдугаар сардаа багтаж эхэлнэ. Арваннэгдүгээр сар гэхэд 20,000 айлыг LNG рүү шилжүүлэх ажлыг дуусгах төлөвлөгөөтэй байна. Ингэж шийдэхдээ тухайн айл өрхийн дотор тоноглолын мөнгийг хотоос гаргах ёстойг айлын тал хэлж байгаа.

Мөн үлдэж байгаа 80,000 айлд нефтийн дайвар бүтээгдэхүүн Нафтагийн C5, C6, C7 загварын газын үйлдвэр байгуулах, уг шугам сүлжээн дундын станцуудыг байгуулах урьдчилсан ТЭЗҮ-д газар дээр нь судалгаа хийх ажил энэ сарын 19-нд эхэлж байгаа. Гадаадын мэргэжилтнүүд ирнэ" хэмээн хэллээ.