Хөдөлмөрийн Үндэсний Намын ээлжит бус Их хуралын үеэр УИХ-ын гишүүн С.Ганбаатар 2017 оны Ерөнхийлөгчийн сонгуульд нэр дэвшинэ гэдгээ албан ёсоор мэдэгдлээ.
Хоёр өдөр үргэлжилж байгаа ХҮН-ын Их хурлын өнөөдрийн хуралдааны үеэр намын дарга С.Боргил намын даргын үүрэгт ажлаасаа чөлөөлөгдөх хүсэлт гаргаж, намын даргад С.Ганбаатарыг санал болгосон байна.
Ингээд С.Ганбаатар 98 хувийн саналаар ХҮН-ын даргаар сонгогджээ. Дараа нь намын дарга С.Ганбаатарын нэр дэвшүүлснээр С.Боргил, Б.Найдалаа нарыг ХҮН-ын дэд даргад санал болгож, хуралд оролцогсдын 100 хувийн саналаар дэмжсэн байна.