Гэнэтийн шалгалт хийж тарваганы тулам илрүүлжээ
Авто тээврийн шалган бүртгэх Эмээлт, Баруунтуруун, Нисэх-Био, Яармаг, Баянзүрхийн товчоогоор хөдөө орон нутгаас ирж буй мал, амьтны гаралтай түүхий эд, бүтээгдэхүүн, тарваганы мах, тулам илрүүлэх гэнэтийн шалгалтыг НМХГ-аас зохион байгуулжээ.
Есдүгээр сарын 16-ны өдөр зохион байгуулсан уг шалгалтад хүн болон ачаа тээврийн 18 хэрэгсэл хамрагдсан бөгөөд Завхан аймгийн Улиастай сумаас ирсэн иргэн Д.Долгор УБА 76-77 дугаартай Ford маркийн машинд хоёр тарваганы тулам тээвэрлэж орж ирсэнийг саатуулан, зөрчил гаргасан иргэнийг 384,000 төгрөгийн шийтгэвэр ногдуулж, хоёр тарваганы тулмыг Зооноз өвчин судлалын үндэсний төвд шинжилгээнд хамруулсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
