Д.Ганбатын хээр даага БАЯН ХОДООД боллоо
Үндэсний их баяр наадмын дааганы уралдаан сонирхолтой, үзүүштэй боллоо.
Газар газрын 327 даага шандасаа сорьсноос Говь-Алтай аймгийн Шарга сумын харъяат МУ-ын тод манлай уяач Хадбаатарын Бат-Эрдэнийн хээр даага түрүүллээ.
Аман хүзүүнд Төв аймгийн Бүрэн сумын харъяат Хүрэлбаатарын Улам-Өрнөхийн бор
Айргийн гуравт Говь-Алтай аймгийн Баян-Уул сумын харъяат МУ-ын тод манлай уяач Дагвадоржийн Ганбаатарын хар бор
Айргийн дөрөвт Сүхбаатар аймгийн Халзан сумын харъяат Жамбалсүрэнгийн Бат-Эрдэнийн хул даага орж ирлээ.
Айргийн тавд Өмнөговь аймгийн Даланзадгадын харъяат Б.Бадраагийн хүрэн хурдаллаа.
Өвөрхангай аймгийн Баруунбаян-Улаан сумын харъяат аймгийн алдарт уяач Дашзэвэгийн Ганбатын хээр даага БАЯН ХОДООД боллоо.
Ийнхүү Тулгар төрийн 2223, Их монгол улсын 808, Ардын хувьсгалын 93 жилийн ой, Үндэсний их баяр наадмын азарганаас даага хүртэлх 6 насны морьдын уралдаан элдэв хэл ам будлиангүй сайхан болж наадамчин олноо цэнгүүллээ.
Та нас насны хурдан морины уралдааны айргийн тавд орсон хурдан хүлгүүдийг доорх хаяг дээр дарж үзэх боломжтой.
Хөтөлбөр ёсоор 16:10 цагаас Төрийнхөө их баяр наадамд түрүүлж, айрагдсан морьдын цол дуудаж, шагнал гардуулна. Ерөнхийлөгч Ц.Элбэгдорж хурдан морь унаач хүүхдүүдэд бэлэг гардуулна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
