САЙН МЭДЭЭ: Сонсогчид хүний амь аварчээ

Хууль сахиулахын их сургуу­лийн Ахлагчийн сургуулийн 113 дугаар дамжааны сонсог­чид эр зориг гарган хүний амь аварчээ. Тэд таван давхар ба­рилгын дээвэр дээр гаран амиа хорлох гэж байсан сог­туу залуугийн амийг аварсан бай­на. 

Болсон явдлын талаар сонсогч Н.Цогбаяраас тод­руул­лаа. Тэрбээр,  “2014 оны зур­гадугаар сарын 11-ний өдөр ма­най их сургуулийн ойролцоо бай­даг БЗД-ийн УС-15–ийн хоёр­дугаар байрны таван давх­рын дээврээс согтуу залуу унах гээд байна, туслаач гэж ир­гэд бидэнд хандсан. 

Тухайн үед би ангийнхаа сонсогч А.Сэн­гэдорж, Н.Ариунболд, И.Ган-Эр­дэнэ нарын хамт дэлгүүрээс ундаа аваад байрны хажууд явж байсан. Согтуу залуу таван давхар байшингийн дээвэр дээр “Ээжээ амь авраарай үхлээ” гээд хашгираад байж байсан.  

Тэгээд  манай ангийн гурван сон­согч тухайн байрны дор сог­туу залууг “Үсэрч болохгүй, юм­наас сайн бариад байж бай” гэж саатуулаад ярилцаж байх хоо­ронд би таван давхрын дээ­вэр дээр гарч барьж авсан. 

Намайг барьж аваад доош нь буулгахад ямар нэгэн эсэр­гүүцэл үзүүлээгүй. Байшин дээ­рээс үсрэх гэж байсан залууг 8-р хорооны  байцаагч, цагдаа хоёрт хүлээлгэж өгсөн” хэмээн ярьсан юм. 

Н.Цогбаярын хувьд Багахангай дүүрэгт амьдардаг бөгөөд гал усны аюулаас ир­гэдийг хамгаалах Онцгой байд­лын албан хаагчийн мэргэжил эзэм­шиж байгаадаа баяртай байна хэмээсэн юм.