Элэгний хорт хавдар нь хожуу шатанд ортлоо тодорхой шинж тэмдэггүй байдаг тул урьдчилан сэргийлэх үзлэгтээ хамрагдах хэрэгтэй

Элэг гэж ямар эрхтэн бэ? 

Элэг нь хүний биед байрладаг хамгийн том дотоод шүүрлийн эрхтэн бөгөөд олон чухал үйл ажиллагааг гүйцэтгэдэг. Элэг нь баруун дээд хэсэгт өрцний дор байрлана. Элэгний гол үүргүүд нь: 

• Бодисын солилцоог зохицуулах 
• Хорт бодисыг шүүж, цэвэршүүлэх 
• Өөх тосны солилцоог зохицуулах 
• Уураг нийлэгжүүлэх 
• Витаминыг хадгалах, дэмжих 
• Цусны бүлэгнэлт, биеийн дулаан зохицуулах 

Элэгний хорт хавдар гэж юу вэ? 

Элэгний хорт хавдар нь элэгний эсүүдээс үүдэлтэй хавдрын төрөл юм. Энэ нь элэгний тодорхой хэсгүүдэд өвчлөл үүсгэж, хорт хавдар үүсэхэд хүргэдэг. Элэгний хорт хавдар нь ихэвчлэн элэгний архаг өвчинтэй холбоотой байдаг. 

Илрэх шинж тэмдэг:

Элэгний хорт хавдар нь хожуу шатанд ортлоо тодорхой шинж тэмдэг үзүүлдэггүй тул эхэн үеийн шинж тэмдэг төдийлөн байдаггүй. Зарим тохиолдолд хожуу шатандаа ч хурц байдал үүсгэхгүй байх магадлалтай бөгөөд боломжит шинж тэмдгүүдээс дурдвал: 

• Хоолны дуршил буурах 
• Шалтгаангүйгээр турах 
• Шээсний өнгө тод болох 
• Арьс загатнах 
• Цээж хэвлий, нуруу орчмоор өвдөх 
• Цус бүлэгнэх /ихэвчлэн хөл орчмоор байх бөгөөд улайлган хавагнуулж өвдөлт үүсгэж болно/
• Шарлах, цөсний ялгаралт ихсэх
• Сэтгэл гутрах, ядарч сульдах 
• Бүдэг өнгөтэй тослог ялгадас гаргах 
• Дотор муухайрах, бөөлжих

Урьдчилан сэргийлэлт: 

Урьдчилан сэргийлэх зориулагдсан нарийн арга байхгүй ч эрсдэлт хүчин зүйлсийг багасгах замаар сэргийлэх боломжтой бөгөөд амьдралын хэв маягтай холбоотой дараах зүйлс дээр анхаарах хэрэгтэй. 

• Элэгний вирусийн халдвараас урьдчилан сэргийлэх 
• Элэгний В вирусийн дархлаажуулалтад хамрагдах 
• Архи, тамхины хэрэглээг зогсоох 
• Илүүдэд жин болон таргалалттай бол биеийн жинг бууруулах 
• Хэт боловсруулсан, түргэн хоол идэхээс зайлсхийж, зөв хооллох 
• Идэвхтэй дасгал, хөдөлгөөн 
• Архаг суурь өвчлөлтэй бол эмчийн хяналтад байх. 

Оношилгоо: 

Хэрвээ танд дээрх шинж тэмдгүүдээс илэрч байвал нарийн мэргэжлийн эмчид үзүүлж зөвлөгөө авах хэрэгтэй. 

• Зорилтот бүлгийн насны хүмүүс тогтмол урьдчилан сэргийлэх үзлэгт хамрагдах хэрэгтэй. 
• Чихрийн шижинтэй өвчтөнүүд эмчийн хяналтад байх 
• Цус, биохимийн шинжилгээ 
• Хавдрын маркерын шинжилгээ 
• Хэвлий эхо
• Хэвлийн тодосгогчтой КТГ, Хэвлийн MRI, PET-CT  

Эмчилгээ: 

• Хорт хавдрын үе шат, байрлал, өвчтөний биеийн байдал зэргээс хамаарч мэс засал эмчилгээг шийддэг. 
• Мэс засал нь хорт хавдрын эх үүсвэр болсон хэсгийг нь тайрч авах 
• Хими, Бай эмчилгээ 
• Хөнгөвчлөх эмчилгээ 
• Ангиографийн аргаар эмчлэх RFA буюу дулааны аргаар түлэх, TACE буюу хавдрыг тэжээж буй судсыг бөглөх зэрэг эмчилгээг хийдэг.