Маргааш 06:00-13:00 цагийн хооронд хотын төв орчмын замуудыг хаана

Гэрэл зургийг MPA агентлагийн онцгой зөвшөөрөлтэйгөөр ашиглав

Маргааш буюу тавдугаар сарын 10-нд унадаг дугуйтай парад 06:00-13:00 цагийн хооронд зохион байгуулагдана.

"Унадаг дугуйтай парадын гараа, барианы хэсэг Соёлын төв өргөөний урд байх бөгөөд дараах авто замуудын хөдөлгөөнийг хаана" гэж НЗДТГ-ын хэвлэлийн хэлтсээс дахин санууллаа.

• Жанжин Д.Сүхбаатарын талбайн чиглэлд: Соёлын төв өргөөний урд талын зам болон Централ тауэрийн уулзвараас баруун тийш Төв шуудангийн уулзвар хүртэл
   
• Энхтайвны өргөн чөлөөний чиглэлд: Төв шуудангийн уулзвар - Цэцэг төвийн уулзвар - Цэцэг төвийн уулзвараас баруун тийш хойш эргээд Зоос гоёлын уулзвар хүртэл
   
• Ж.Самбуугийн гудамж, Бээжингийн гудамж чиглэлд: Зоос гоёлын уулзвараас Засгийн газрын ордны хойд талаар зүүн тийш Сансарын И-март дэлгүүрийн уулзвар хүртэл
   
• Токиогийн гудамж чиглэлд: Сансарын И-март дэлгүүрийн уулзвараас урагшаа Монгол бөхийн өргөөний уулзвар хүртэл
   
• Энхтайвны өргөн чөлөөний гудамж чиглэлд: Монгол бөхийн өргөөний уулзвараас баруун тийш Централ тауэрийн уулзвар – Жанжин Д.Сүхбаатарын талбайн зүүн тал Соёлын төв өргөөний урд талын авто замын хөдөлгөөнийг хэсэгчлэн хаана.

 

Түүнчлэн Төв талбайд дугуйн спортын тамирчид, сонирхогчдын дунд тэмцээн, уралдаан болж, дугуйн клубүүдийн танилцуулга, дугуй, дугуйн дагалдах хэрэгслийн дэлгүүрүүдийн худалдаа, засвар үйлчилгээ, банкнуудын ногоон зээлийн танилцуулга, дугуй сонирхогчдод зориулсан чөлөөт худалдаа зохион байгуулах бол 20 километрийн засмал замын уралдаан 06:00-18:00 цагийн хооронд үргэлжлэх юм байна.