Хүүхдийнхээ цүнхэнд 2-3 цаг тутамд солих маск болон гар ариутгах шингэн, нойтон салфетка өгч явуулж байхыг зөвлөлөө

Гэрэл зургийг MPA агентлагийн онцгой зөвшөөрөлтэйгөөр ашиглав

Халдварт өвчин судлалын үндэсний төв /ХӨСҮТ/-өөс өнөөдөр томуу ба томуу төст өвчний нөхцөл байдлын талаар мэдээлэл өглөө. 

2025 оны гуравдугаар долоо хоногт Улаанбаатар хот, Ховд, Баян-Өлгий, Дундговь, Дорноговь, Хэнтий, Сүхбаатар, Орхон аймгуудаас ирсэн сорьцоос авсан тандалтын дүнгээр тандалтад хамрагдсан хүмүүсийн 53.9 хувьд нь томуу, томуу төст өвчин үүсгэгч бүртгэгджээ.

• Хамгийн их тархалттай байгаа нь амьсгалын замын синциталь вирус байгаа ба  26.1 хувийн тархалттай байгаа юм байна.
• H1N1 вирусийн тархалт өмнөх долоо хоногоос 4 хувиар буурсан. 
• Метапневмовирусын идэвхжил нэмэгдэж байгаа. 
• Реновирус идэвхжилтэй байна. 

Сурагчдын хичээл эхлэхтэй зэрэгцээд метапневмовирус болон реновирусын идэвхжил нэмэгдэх төлөвтэй байна гэдгийг онцоллоо. 

Томуу томуу төст өвчний өвчлөлийн түвшин буурч байгаа ч хичээл эхлэхтэй холбоотой нэмэгдэх магадлалтай тул хүүхдэд тань эмнэлзүйн шинж тэмдэг илэрч байвал хичээлд нь явуулахгүй байхыг эцэг эхчүүдэд зөвлөв. Мөн заавал маск зүүлгүүлж 2-3 цаг тутамд солих маск болон гар ариутгах шингэн, нойтон салфетка өгч явуулж, халуун бүлээн юм уух нөхцөлөөр нь хангаж байхыг зөвлөлөө.