"Big show бол энэ жилийн хамгийн сүүлчийн задгай шоу"
Татар, Мөнхийн Рэп, Флаш, Noname, 4 Зүг хамтлагуудын "Big Show" тоглолтын талаар уран бүтээлчид өнөөдөр хэвлэлийн хурал зохион байгууллаа.
16:00 цагт Төв цэнгэлдэхийн хаалга нээгдэнэ, 17:00 цагаас DJ сэт тоглоно, 17:30 цагаас урилгаар оролцож буй уран бүтээлчид дуулна, 19:30-аас гол уран бүтээлчид дуулж эхлэх ба тоглолт 23:30 цаг хүртэл үргэлжлэх юм байна.
Энэ тоглолт бол хамтлагуудын хамтарсан тоглолт биш. Таван хамтлагийн таван тусдаа тоглолт юм. Дотроо холилдохгүй дараалж нэг хамтлаг 10-15 дуу дуулна гэдгийг тоглолтыг зохион байгуулагчид онцлов. Тодруулбал хамтлагууд дараах дарааллаар дуулах юм байна.
- Флаш хамтлагийн "Хайрлах хүсэл" тоглолт
- Мөнхийн Рэп хамтлагийн тоглолт
- Noname "Үдшээр" тоглолт
- 4 Зүг хамтлагийн "Тайлагнал" тоглолт
- Татар хамтлагийн "Хайрыг хүндэл" тоглолт
Урилгаар Vandebo, Batuh, Digital, Icetop, S&I, D45, Бундын тамга, Маралжингоо зэрэг хамтлаг, уран бүтээлчид оролцох аж.
Тоглолтыг жилийн өмнөөс төлөвлөсөн байсан. Өөр тоглолттой давхцаж байгаа нь том асуудал биш. Хамтлагуудын дунд ямар ч асуудал үүсээгүй. "Big show" бол энэ жилийн хамгийн сүүлчийн задгай шоу байна гэдгийг хамтлагийн төлөөллүүд онцолж байв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
