Жүдогийн ДАШТ-д оролцох багийн бүрэлдэхүүнтэй ТАНИЛЦ
Жүдогийн насанд хүрэгчдийн Дэлхийн Аварга Шалгаруулах Тэмцээн (ДАШТ) энэ сарын 13-наас 19-нийг дуустал Унгарын Будапешт хотод болох юм.
Энэ удаагийн ДАШТ-д 93 улсын 565 жүдоч (эрэгтэй 299, эмэгтэй 266) өрсөлдөхөөр мэдүүлгээ өгчээ.
Зохион байгуулагч орон Унгараас 21 тамирчин хүч үзэх бол Япон, Бразил, Монгол, Узбекистан тус бүр 18, Итали, Герман, Франц, БНСУ-ын баг тус бүр 17 хүний бүрэлдэхүүнтэй оролцох аж.
Одоогоор дэлхийн чансааг тэргүүлж буй 14 тамирчнаас 11 энэ удаагийн тэмцээнд тэргүүллээ хадгалах зорилгоор ирнэ.
Эмэгтэйчүүдийн 63 кг-ын жинд дэлхийн чансааг өнгөлж буй Францын Кларисс Агбеньену 2028 оны олимпоос өмнө хоёр дахь хүүхдээ гаргах төлөвлөгөөтэй байгаа тул спортоосоо түр хөндийрсөн. Тиймээс энэ удаагийн ДАШТ-ийг өнжиж байгаагаа зарласан билээ.
Монголын багийн бүрэлдэхүүн
ЭРЭГТЭЙ
- 60 кг: Э.Ариунболд, К.Ёлк,
- 66 кг: Ё.Басхүү, Б.Эрхэмбаяр,
- 73 кг: Л.Анхзаяа, О.Уранбаяр,
- 81 кг: О.Шинэбаяр,
- -100 кг: Б.Хүдэрчулуун,
- +100 кг: Б.Гончигсүрэн.
Эмэгтэй
- 48 кг: Г.Наранцэцэг, Ж.Анударь,
- 52 кг: Л.Сосорбарам,
- 57 кг: Т.Ариунзаяа,
- 63 кг: Л.Энхрийлэн, Б.Ганхайч,
- 70 кг: Д.Есүй, Б.Ням-Эрдэнэ,
- +78 кг: А.Адъяасүрэн.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
