МАН-ын Бага хурлын гишүүн Их эвслийн Засгийн газар байгуулах шаардлага, хүсэлтийг намын удирдлагууддаа гаргав
Монгол Ардын Намын Удирдах зөвлөлийн хурал өнөөдөр болж, Бага хурлаа ирэх Даваа гарагт хуралдуулахаар тогтсон.
Үүнтэй холбогдуулан Бага хурлын гишүүн С.Нэргүй Их эвлийн Засгийн газар байгуулах тухай шаардлага, хүсэлтийг намыг ерөнхий нарийн бичгийн дарга Я.Содбаатарт гаргажээ.
Уг шаардлага, хүсэлтэд ирэх Даваа гарагт болох Бага хурлаар хэлэлцэх асуудлын дараалалд эвслийн Засгийн газар байгуулах тухай саналыг оруулж, хэлэлцүүлэхийг тусгасан байна.
Мөн шинээр үүсгэн байгуулагдах Засгийн газрыг Үндэсний их зөвшилцлийн Засгийн газар гэж нэрлэж, парламентад суудалтай улс төрийн намуудтай хамтарч ажиллах зэрэг шаардлагыг тусгасан байна.
Өмнөх Бага хурлаар 303 гишүүний саналаар асуудлыг шийдсэн бол эсрэг буюу хамтарсан Засгийн газар байх нь зөв гэдэг санал өгсөн 113 гишүүн байсан аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
