Д.Довчинсүрэн: Манай улсын 13 үйлдвэр Хятад руу гурил экспортлох эрхээ авсан. Одоогоор гаргаж эхлээгүй байна
Манай улсын 13 үйлдвэр Хятад руу гурил экспортлох эрхтэй болжээ.
Энэ талаар ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газрын дарга Д.Довчинсүрэнгээс тодруулахад дараах мэдээллийг өгсөн юм.
Тэрбээр "Манай улсын 13 үйлдвэр БНХАУ руу гурил экспортлох эрхээ авчихсан. Гэхдээ албан ёсны гэрээ хэлэлцээр хийж, Хятадын талтай тохиролцох асуудал байгаа.
Саяхан зохион байгуулагдсан "Хөх хот экспо" дээр нэр бүхий гурилын компаниуд бүтээгдэхүүнээ танилцуулсан. Зарим гэрээ, хэлэлцээрт гарын үсэг зурсан байгаа. Гэхдээ яг экспортоор гаргаж эхлээгүй байна.
Одоогийн байдлаар манай улсын үйлдвэрүүд БНХАУ руу гурил экспортлох ажил хэлэлцээрийн түвшинд явж байна. Энэ намар гурилаа экспортод гаргахаар шахаж ажиллаж байгаа" хэмээн хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
