CS&GO: Монголын IHC ESPORTS өнгөрсөн жилийн дэлхийн аварга FAZE CLAN багийн эсрэг тоглоно
И-Спортын CS&GO төрлийн IEM Katowice 2023 тэмцээн Польшийн Катовице хотод хоёрдугаар сарын 1-нээс эхлэн үргэлжилж байна.
Тус тэмцээний урьдчилсан шатанд Монголын IHC ESPORTS баг гурван тоглохдоо хоёр хожилтойгоор хэсэгт шалгарсан. Гэвч хэсгийн шатны эхний тоглолтдоо Team Liquid багт хожигдож доод шат руу унасан юм.
Доод шатны хэсгийн эхний тоглолтод Cloud9 багийг 2:0 харьцаатайгаар буулган авч, хагас шигшээ тоглолтдоо өнгөрсөн жилийн дэлхийн аварга FAZE CLAN багийн эсрэг өнөө шөнө 2:30 цагт тоглоно.
Хэрэв FAZE CLAN багийг хожвол Team Liquid, Team Spirit багуудын аль хожсонтой нь хэсгийн аваргын төлөө тоглох юм.
Хэсгийн шатыг амжилттай давж чадвал шилдэг дөрвөн баг тус тэмцээний аваргын төлөө хоёрдугаар сарын 10-12-ны хооронд тоглоно.
IEM Katowice 2023 тэмцээн нийт нэг сая ам.долларын шагналын сантай ажээ. Түрүүлсэн баг Intel Extreme Masters Cologne 2023 тэмцээний эрхийг авахаас гадна 400 мянган ам.долларын эзэд болох юм.
