Уншиж байна ...

Б.Мөнгөнзул Дэлхийн шатрын олимпиадаас АЛТАН МЕДАЛЬ хүртлээ

Г.Мөрөн, iKon.mn
2022 оны 8 сарын 10
iKon.MN
Зураг зураг
Enkhtuul Alt хаягаас авав

Дэлхийн шатрын 44 дүгээр олимпиад Энэтхэг улсын Ченнай хотод болж өндөрлөлөө. 

Тус олимпиадын эмэгтэйчүүдийн төрөлд Украин улсын шигшээ баг аварга болж, Гүрж, Энэтхэг улсууд дэд болон гуравдугаар байрт шалгарлаа. Харин манай улс багийн нийт дүнгээр 15 дугаар байрт жагссан юм. 

Түүнчлэн Үндэсний шигшээ багийн тамирчин, дэлхийн шатрын холбооны дэд мастер Б.Мөнгөнзул IV ширээнд оноогоороо тэргүүлэн, алтан медалийн эзэн боллоо.

Тэрбээр 10 өрөг тоглож найм хожиж, нэг тэнцэн, нэг хожигдож 85%-н хожил авч ширээндээ түрүүлсэн юм. Энэхүү амжилтаараа Дэлхийн шатрын холбооны мастер цолны болзол хангаж цолоо ахиуллаа.

Мөн энэ удаагийн олимпиадад олон улсын мастер Т.Мөнхзул Их мастерын цолны болзол хангасан билээ. 

зураг
 
Үндэсний шигшээ багийн бүрэлдэхүүн
зураг
 
Enkhtuul Alt хуудсаас авав