"The MongolZ" баг хасагдах шатанд Туркийн "Aurora Gaming"-тай оноолт таарлаа

Цахим спортын "Counter Strike 2" тоглоомын өндөр чансаатай "Intel Extreme Masters Dallas 2025" тэмцээний хэсгийн шатны сүүлийн тоглолтууд АНУ-ын Даллас хотноо өнөө өглөө болж, өндөрлөлөө. 

Манай улсын "The MongolZ" багийн хувьд хасагдах шат буюу Playoffs-д тоглох эрхээ өчигдөр Европын "G2 Esports" багийг хожиж авсан. Тэгвэл өнөөдөр шөвгийн дөрвөн багийн шатнаас тэмцээнийг үргэлжлүүлэх эсэхээ Францын "Team Vitality" багтай "Во3" (гурван "map"-аар ялагчийг тодруулах) журмаар тоглож, 1:2-оор хожигдлоо.

Францын багийн хувьд дэлхийн чансааны нэгдүгээр байрт бичигдэж байгаа бөгөөд 2025 он гарснаас хойш нийт зургаан удаа цом өргөсөн. Мөн 27 тоглолт дараалан хожигдоогүй гэх онцгой амжилттай яваа баг юм. 

Өнөөдрийн тоглолтод "The MongolZ" баг өөрсдийн сонгосон "Inferno map" дээр 10:13-аар хожигдсон. Үргэлжлүүлэн Француудын дархлагдсан гэж болох "Nuke map" дээр 13:7-оор хожсоноор сүүлийн "Mirage map" дээр тоглолтын хувь заяа шийдвэрлэгдэхээр болсон. 

Сүүлийн "Mirage map" дээр манай баг довтлох талаасаа эхэлж хоёр онооны зөрүүтэй байраа сольсон. Улмаар хамгаалах талаасаа дөрвөн үе авснаар 11:13 онооны харьцаатай ялагдаж байна. Ийнхүү манай улсын баг "Intel Extreme Masters Dallas 2025" тэмцээнийг шөвгийн зургаагаас үргэлжлүүлэхээр боллоо.