2021/11/27
Америк доллар
МОНГОЛ БАНК:
2,849.30₮
B30
УЛААНБААТАР
-2°
|
-10°
B30
УЛААНБААТАР
-9°
|
-13°
B30
УЛААНБААТАР
-9°
|
-17°
11:00
S26
-8°
12:00
S26
-6°
13:00
S26
-5°
14:00
S26
-5°
15:00
S26
-5°
16:00
S26
-6°
17:00
S26
-8°
18:00
S26
-8°
19:00
S26
-9°
20:00
S26
-10°
21:00
S26
-10°
22:00
S26
-10°

С.Батболд: Аялал жуулчлалын компаниуд дотоодын жуулчдаа тоодоггүй

Б.Даваабазар, iKon.mn
2021 оны 10 сарын 26
iKon.MN
Зураг
Гэрэл зургийг mpa.mn

“Шинэ хэвийн байдал - Аялал жуулчлалыг сэргээх стратеги’’ уриан дор зохион байгуулагдаж буй “Монголын аялал жуулчлалын форум-2021” арга хэмжээ үргэлжилж байна.

Арга хэмжээний үеэр жуулчин тээврийн өнөөгийн байдал, шийдвэрлэх гол асуудлуудын талаар ЗТХЯ-ны төрийн нарийн бичгийн дарга С.Батболд илтгэл тавьж, холбогдох мэдээллийг танилцуулав.

Аялал жуулчлалын салбар, зам тээврийн салбар нь хоорондоо шууд хамааралтай билээ.

Цар тахалтай холбоотойгоор 2019 онд жуулчин тээврийн үйлчилгээ үзүүлдэг 154 компани АТҮТ-д бүртгүүлэн үйл ажиллагаагаа явуулж байсан бол 2020 онд 24 компани бүртгүүлж буурсан үзүүлэлттэй гарчээ. 

Тэрбээр “Агаарын тээврийн салбарын үзүүлэлт цар тахалтай холбоотойгоор дэлхий нийтээр буурсан гэдгийг хэлэх нь зүйтэй. Аялал жуулчлалын салбар, зам тээврийн салбар нь хоорондоо шууд хамааралтай. 

Жилд дунджаар нэг тэрбум орчим хүн олон улсад аялж, нэг их наяд ам.доллар зарцуулж байна. 2015-2030 он гэхэд олон улсын аялагчдын тоо 58 хувиар өснө гэсэн тооцоо байдаг. Үүнээс үүдэн эрэлтийг хангах тооцоо судалгаа хийж, зорилтууд дэвшүүлсэн.

Монгол Улсад агаарын тээврийн салбарын 2020 оны үзүүлэлтүүд 2019 онтой харьцуулахад 40-70 гаруй хувиар буурсан. Тээврийн салбар зорчигч, ачаа хоёрыг л тээвэрлэж зөөх үүрэгтэй. Нэг зүйлийг хэлэх нь зүйтэй. Тээврийн салбараас болоод экспорт буураагүй. Хил гэдэг хаалга чинь хаалттай байгаа болохоор гарч чадахгүй байна. Түүнээс бол машин, онгоц гээд бүгд байна. Үүнийг хүмүүс зөв ойлгохыг хүсье.

2019 оны үзүүлэлтээр Монголын агаарын тээврийн салбарт агаарын 12 тээвэрлэгч нь олон улсын 22 чиглэлд 1.62 сая суудлын нийлүүлэлтээр 1,188,204 зорчигч тээвэрлэж байна. Өөрөөр хэлбэл олон улсын тээвэрлэлт дээр суудал ашиглалт 73%-тай байна. 

Мөн Монголд их хэмжээний жуулчин ирэх гэхээр тээвэр саатаад байна гэх яриа байдаг. Манай улсын Засгийн газар өнөөдрийн байдлаар дэлхийн 39 улсын 100 гаруй хот суурин газар руу нисэх хэлэлцээртэй. Гэтэл 22 чиглэлд л нисэж байна. Өөрөөр хэлбэл, БНСУ-аас бусад чиглэлд агаарын харилцааны хэлэлцээрээр тогтоосон багтаамжийн ашиглалт бага байна. Иймээс аялал жуулчлалын салбарынхантай улсуудыг нэмэгдүүлэх чиглэлд хамтарч ажилламаар байна" гэв. 

"БНХАУ-ын өмнөд Шар тэнгист долоон боомт ашиглах Засгийн газрын хэлэлцээртэй ч Тяньжиныг л ашигладаг"

Түүнчлэн "Тяньжин, Эрээнд олон ачаа гацсан гэж ярьж байна. Шалтгаан нь энэ шугамаар олон жил тээвэрлэлт явчихсан, аль хэдийнээ бойжчихсон болохоор өнөөдөр бүгд дайрч, гацаж байгаа юм.

БНХАУ-ын өмнөд Шар тэнгист долоон боомт ашиглах Засгийн газрын хэлэлцээртэй. Тэдгээрээс ганц Тяньжиныг л ашигладаг.  Яагаад бусад зургааг нь ашиглахгүй байгаа вэ. Өвөр Монголын 13 боомттой хэлэлцээртэй бөгөөд үүний гурав нь олон улсын боомт байдаг. Гэтэл яагаад Эрээн, Замын-Үүдээр чихэлдээд байна вэ гэдгийг бодох ёстой. Иймд төр, хувийн хэвшил нийлээд бий болгосон шугамуудаа аялал жуулчлал дээр ашиглая гэж хэлмээр байна.

 Аялал жуулчлалын компаниуд дотоодын жуулчдаа тоодоггүй. Зарим газар руу явах гэхээр аяллын маршрут, хөтөч, үйлчилгээ байдаггүй. Монгол шарын даваа оръё гэхээр хилийн цэргийг бид гуйж байна. Уг нь хилийн цэргийнхэн биш аялал жуулчлалын компаниуд хөгжүүлбэл хилийн аялал жуулчлал хөгжих боломжтой гэж харж байна. Хүмүүсийн сонирхоод байгаа дотоодын аялал жуулчлалын маршрутыг бий болгохыг хүсье" хэмээв.

x