Баянзүрх дүүрэгт зөвшөөрөлгүй байршуулсан 11 ТҮЦ-ийг өнгөрсөн шөнө нүүлгэжээ
Нийслэл хотын нийтийн эзэмшлийн талбайд байршуулсан ТҮЦ-үүдийг нүүлгэх ажил энэ оны дөрөвдүгээр сараас эхлэн өрнөж буй. Үүнээс хойш нэг сар гаруйн хугацаанд төвийн зургаан дүүрэгт 1,700 гаруй ТҮЦ зөвшөөрөлгүй үйл ажиллагаа явуулж байснаас 1,300-г нүүлгэж, зам талбайг чөлөөлжээ.
Үлдсэн ТҮЦ-үүдийг нүүлгэж байгаа талаар НЗДТГ-ын хэвлэл мэдээлэл, олон нийттэй харилцах хэлтсээс "Баянзүрх дүүргийн нутаг дэвсгэрт зөвшөөрөгдөөгүй байршилд байршуулсан 11 ТҮЦ-ийг өнгөрсөн шөнө нүүлгэн шилжүүлж, нийтийн эзэмшил газрыг өнгөрсөн шөнө чөлөөллөө" гэж мэдээлэв.
Харин ТҮЦ-ийн үйлчилгээ эрхлэгчид нүүлгэхийг эсэргүүцэн өлсгөлөн зарлаж, жагсаал зохион байгуулсаар байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
