Цахим залиланд алдсан 281.7 тэрбум төгрөгийг нөхөн төлүүлж, хохирлыг барагдуулсан байна
2025 онд бүртгэгдсэн залилах гэмт хэргийн 72.3 хувь нь цахим орчинд үйлдэгджээ.
Уг гэмт хэргийн улмаас өнгөрсөн онд иргэдэд 694.4 тэрбум төгрөгийн хохирол учирснаас 281.7 тэрбум төгрөгийг нөхөн төлүүлж хохирлын тодорхой хэсгийг барагдуулсныг Цагдаагийн Ерөнхий Газар (ЦЕГ)-аас мэдээлэв.
Энэ оны эхний нэгдүгээр сарын байдлаар 2,070 залилах гэмт хэрэг бүртгэгдсэн байна.
Иймд цахим орчин дахь зар, хуурамч линк, вэб сайтаар дамжуулан гарч ирсэн төлбөрийн нэхэмжлэл, зээл урамшуулал, сугалаа, бараа үйлчилгээний саналд болгоомжтой хандаж баттай эх сурвалжаас мэдээлэл авахыг зөвлөлөө.
Хувийн мэдээлэл, дансны дугаар, нууц үг болон нэг удаагийн баталгаажуулах кодыг бусдад дамжуулахгүй байхыг цагдаагийн байгууллагаас анхааруулж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
