ФОТО: Цус сэлбэлт судлалын үндэсний хоёрдугаар төв хүүхдийн өрөөтэй боллоо
Жил бүрийн зургаадугаар сарын 14-ний өдрийг Дэлхийн цусны донорын өдөр хэмээн тэмдэглэдэг уламжлалтай.
Тэгвэл энэ жил уг өдрийг тохиолдуулан цусны донорын үйл ажиллагаанд хүүхэдтэй эцэг эхчүүдийн оролцоог нэмэгдүүлэх зорилгоор JCI Конгресс салбар байгууллагаас санаачлан "One Drop One Life" төслийн хүрээнд Хүүхэд хөгжлийн өрөөг өнөөдөр нээж байгаагаа зарлалаа.
Манай улсад цусны донор жил ирэх тусам нэмэгдэж байгааг албаныхан онцолсон.
Цус сэлбэлт судлалын үндэсний төв Монгол Улсад 26 салбартай. Түүнчлэн явуулын баг өдөр бүр цус цуглуулах ажлыг зохион байгуулдаг аж.
Тус төвд 24-48 цагийн хооронд 1,800 цусны нөөцтэй байх ёстой. Одоогоор нөөц хэвийн байгааг дурдсан юм.
Цусны төвийнхөн энэ онд анхан шатны эрүүл мэндийн байгууллагыг түшиглээд иргэдийн дунд сайн дурын донор элсүүлэх нөлөөллийн аяныг зохион байгуулахаар төлөвлөж буй.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
