Орон нутгийн оюутнууд их, дээд сургуульд хэрхэн элсэх вэ?
Монгол Улсад 88 их, дээд сургууль үйл ажиллагаагаа явуулж байгаа.
Үүний 50 гаруй нь Монголын их, дээд сургуулийн консорциум(МИДСК)-д нэгдсэн байдаг бөгөөд элсэлтээ хамтран зохион байгуулдаг уламжлалтай. Ингэснээр төгсөгчид болон эцэг, эхчүүд нэг дороос мэдээлэл авч, хөтөлбөрөө сонгох давуу талтай юм.
2021-2022 оны хичээлийн жилд орон нутгаас оюутнуудыг хэрхэн элсүүлэх талаар МИДСК болон Боловсролын үнэлгээний төвийн төлөөлөл багтсан Элсэлтийн комиссын гишүүн н.Батдорж дараах мэдээллийг өглөө.
- Элсэлтийн систем наймдугаар сарын 2-нд нээгдсэн бөгөөд наймдугаар сарын 23-нд бүртгэл хаагдана. Ингэснээр Элсэлтийн ерөнхий шалгалт өгсөн хичээлүүдэд авсан оноогоороо аль сургуульд, ямар мэргэжлээр элсэх боломжтой тухай жагсаалтыг гаргаж, сонгох эрхийг өгнө. Хамгийн ихдээ 10 мэргэжил сонгох боломжтой.
- Наймдугаар сарын 24-ний өглөө тухайн мэргэжилд та хэддүгээрт эрэмбэлэгдсэнийг гаргана. Хяналтын тоонд багтсан бол мэргэжлээ баталгаажуулна. Баталгаажуулалт 25-ныг дуустал үргэлжилнэ.
- Хяналтын тоонд багтаж чадаагүй, дундаж оноотой болон анх бүртгүүлж амжаагүй хүүхдүүдэд боломж олгох зорилгоор наймдугаар сарын 26-ны өдөр МИДСК-ын элсэлтийн системийг дахин нээж, мэргэжил сонгох эрхийг нээнэ. Хоёрдугаар шатны мэргэжил сонгох хугацаа гурван өдөр үргэлжилж, хаагдана.
- Наймдугаар сарын 29-нд эрэмбэлж, хяналтын тоонд багтсан хүүхдүүд хөтөлбөрөө баталгаажуулна.
- МИДСК-аар дамжин элссэн хүүхдүүдэд есдүгээр сарын эхээр Элсэлтийн эрхийн бичиг олгоно. Энэ дагуу тэнцсэн сургуультайгаа холбогдож, гэрээгээ байгуулж, элссэнээ баталгаажуулах юм.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
