Өнөөдөр Чингэлтэй дүүргийн иргэдийн баярын үеэр “Метро молл"-оос Тусгаар тогтнолын талбай хүртэл хаагдах замууд
Чингэлтэй дүүргийн иргэдийн баяр өнөөдөр Тусгаар тогтнолын талбайд эхлэх юм байна. 10:00-23:00 цаг хүртэл үргэлжлэх уг арга хэмжээний үеэр зарим замын хөдөлгөөнийг хаана гэж тус дүүргийн ЗДТГ-аас мэдээлжээ.
Тодруулбал “Метро молл” худалдааны төвөөс Анкарагийн гудамж (СУИС-ийн уулзвараас Хүнсний 1-р дэлгүүрийн уулзвар хүртэл), Самбуугийн гудамж(Хүнсний 1-р дэлгүүрийн уулзвараас Тэнгис кино театрын баруун гарц хүртэл), Тусгаар тогтнолын талбай чиглэлийн замын хөдөлгөөнийг өнөөдөр буюу тавдугаар сарын 17-ны 21:00 цаг хүртэл түр хязгаарлах юм байна. Иймд иргэд, жолооч нарыг бусад замыг сонгон хөдөлгөөнд оролцохыг зөвлөжээ.
Тусгаар тогтнолын талбайд хүүхдүүдийн дунд өртөөт болон танин мэдэхүйн тоглоом, зураг зурах, явуулын номын сан ажиллуулах, хүүхэд, гэр бүлд чиглэсэн сэтгэлзүйн зөвлөгөө өгөх, урлагийн тоглолт зохион байгуулах хөтөлбөртэй байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
