Уншиж байна ...
ХУУЧИРСАН МЭДЭЭ: 2019/11/14-НД НИЙТЛЭГДСЭН

103-ын удирдлагууд эмч, жолооч нараа яаралтай тусламжийн машиных нь хамт бусдад ашиглуулсан байж болзошгүй

А.Төгөлдөр, iKon.mn
2019 оны 11 сарын 14
iKon.MN
Зураг зураг

Нийслэлийн түргэн тусламжийн төв буюу 103-ын удирдлагуудыг Эрүүгийн цагдаагийн газраас шалгаж эхэлжээ. 

Тус төвийн дарга П, эмчилгээ эрхэлсэн орлогч дарга А, ерөнхий инженер О нарыг албан тушаалаа урвуулан, хөрөнгө завшсан байж болзошгүй гэх хэрэгт холбогдуулан шалгаж байгаа аж. 

Тодруулбал, Нийслэлийн түргэн тусламжийн төвийн удирдлагуудыг өөрийн байгууллагын хөрөнгөд бүртгэлтэй яаралтай тусламжийн авто машинуудыг жолооч, эмчийнх нь хамтаар Монгол, Катарын хамтарсан цэргийн сургуулийн хээрийн эмнэлэг болон манай улсад газрын тосны хайгуулын чиглэлээр үйл ажиллагаа явуулдаг БНХАУ-ын хөрөнгө оруулалттай “БЖП геофизик Монголиа” компанид ашиглуулах гэрээ байгуулсан хэрэгт холбогдуулан хэрэг бүртгэлийн хэрэг нээсэн байна.