2019/10/23
Америк доллар
МОНГОЛ БАНК:
2,684.35₮
B30
УЛААНБААТАР
-2°
|
-8°
B30
УЛААНБААТАР
|
-11°
B30
УЛААНБААТАР
|
-9°
11:00
S32
-3°
12:00
S32
-2°
13:00
S30
-1°
14:00
S30
-1°
15:00
S32
16:00
S32
-1°
17:00
S32
-2°
18:00
S31
-4°
19:00
S31
-6°
20:00
S31
-8°
21:00
S31
-9°
22:00
S31
-10°
Энэ мэдээ хуучирсан буюу 2018/09/21 -нд нийтлэгдсэн мэдээ болно.

Монголын ардчиллыг үнэлсэн АНУ-ын $350 саяын буцалтгүй тусламжийн гэрээнд ГАРЫН ҮСЭГ ЗУРЛАА

Ч.Болортуяа
2018 оны 9 сарын 21
iKon.MN

- АНУ-ын нийслэл Вашингтон хотоос Ikon.mn сайтын сэтгүүлч, редактор Ч.Болортуяа мэдээлж байна -

“Улаанбаатар хотын нийт усны хангамжийг нэмэгдүүлэх гэрээг байгуулах зам дардан байгаагүй. Монгол Улсаас маш их хүчин чармайлт шаардсан 3.5 жилийн ажлын үр дүн өнөөдөр гарлаа” гэж Монгол Улсын Засгийн газар, АНУ-ын Мянганы Сорилтын Сангийн хооронд байгуулах хоёр дахь гэрээ боловсруулах Үндэсний ажлын албаны дарга Э.Содонтогос баяртайгаар мэдэгдсэн юм.

Тодруулбал,  Монгол хүн бүрт хамаатай усан хангамжийг сайжруулах цогц хөтөлбөр хэрэгжүүлэх 350 сая ам.долларын буцалтгүй тусламжийн гэрээнд Монгол Улсын Ерөнхий сайд У.Хүрэлсүх, АНУ-ын Төрийн нарийн бичгийн дарга М.Помпео нар Улаанбаатарын цагаар Пүрэв гарагийн 8.00 цагт гарын үсэг зурж Хамтарсан мэдэгдэл гаргалаа.

 
 
 

Энэ тухай Сангийн сайд Ч.Хүрэлбаатар “350 сая ам.долларын буцалтгүй тусламжийн гэрээнд гарын үсэг зурснаар Улаанбаатар хотын иргэдийг цэвэр усаар хангах хөтөлбөрт голлон зарцуулагдана. Мөн Улаанбаатарчууд бидний хэрэглэж буй гүний усыг дахин ашиглах саарал ус боловсруулах үйлдвэр байгуулахад зориулах юм. Хөтөлбөрийн хүрээнд Улаанбаатарт 50 шинэ гүний худаг гаргана. Үүгээрээ Улаанбаатар хотын тасралтгүй өсөн нэмэгдэж буй хүн амын хэрэгцээг хангахаас гадна ус дамжуулах хоолой, усан сан, өргөх насос зэргийг барьж байгуулах юм.

Өнөөдөр зурж буй энэ гэрээ нь БНХАУ-ын тусламжаар барьж байгуулах шинэ Төв Цэвэрлэх Байгууламжтай хамтарсан нэг цогц төсөл болж байгааг тодруулж хэлэх хэрэгтэй. Үндсэндээ Улаанбаатар хотын иргэдийг цэвэр усаар хангах, хэрэглэсэн усаа дахин ашиглах эдийн засгийн үр ашигтай энэхүү төсөлд нийтдээ 650 сая ам.доллар зарцуулагдана гэсэн үг. Тодруулбал, АНУ-ын Мянганы Сорилтын Сангаар олгогдох буцалтгүй тусламж болох 350 сая ам.доллар, БНХАУ-ын 300 сая ам.долларын Цэвэрлэх байгууламжийн төсөлтэй нэгдсэн цогц хөтөлбөр болж байгаа юм” гэв.

Түүх сөхвөл, 2014 онд Мянганы Сорилтын Сангаас (МСС) Монгол Улсын Ерөнхийлөгч асан Ц.Элбэгдоржид хоёр дахь хөтөлбөрөө хэрэгжүүлэхээр болсноо дуулгаж байжээ. Ингэхдээ хоёр дахь компакт гэрээг үр ашигтай зарцуулах төслийн саналыг ирүүлэхийг хүссэн байна. Үүний хүрээнд 2015 онд Монгол Улсын эдийн засгийн өсөлтийг сааруулж буй хүчин зүйлийн судалгааг Монгол, Америкийн баг хамтран хийж усны нөөц, хангамжийн асуудал манай хамгийн тулгамдсан асуудлын нэг болохыг тогтоожээ.

МСС-ийн хоёр дахь хөтөлбөрийн хүрээнд Монгол Улсын усны асуудлыг цогцоор нь шийдэх боломжтой. Учир нь энэ төслийг хэрэгжүүлэх явцад усны үнэ цэнийг бүгд нийтээрээ ойлгон хүлээн зөвшөөрч, ухаалаг, хэмнэлттэй зарцуулалт руу иргэн, аж ахуйн нэгж, байгууллагууд шилжих шаардлагатай болно. Улмаар усны үнийн бодит үнэлгээг тогтоох ёстой. Энэ нь Монгол Улсын нийт эдийн засагт ч, байгаль орчинд ч ээлтэй бөгөөд хамгийн гол нь өсөн нэмэгдэж буй хүн ам найдвартай цэвэр усаар тасралтгүй хангагдах боломж бүрдэж байна” гэж энэ гэрээг анхнаас нь хийх хүртэл оролцож, ахалсан хатагтай Э.Содонтогос ярьж байлаа.

АНУ-ын ард түмний татвар төлөгчдөөс бүрдүүлсэн мөнгийг Улаанбаатарын усны хангамжийг сайжруулах төсөлд зарцуулах шийдвэр гаргасан нь Монголын үлгэр дуурайлал бүхий ардчиллыг үнэлж буй явдал гэж мөн албаны хүмүүс онцолж байв.
 


МОНГОЛ УЛС, АНУ-ЫН ГАРГАСАН ХАМТАРСАН МЭДЭГДЭЛД:

"Монгол Улс, АНУ нь хоёр улс дипломат харилцаа тогтоосноос хойших 30 гаруй жилийн хугацаанд гаргасан тууштай хүч чармайлтын үр дүнд Монгол Улс, АНУ-ын улс төр, батлан хамгаалах, эдийн засаг, боловсрол, соёл, иргэд хоорондын харилцаа холбоо гүнзгийрэн хөгжиж ирснийг тэмдэглэж, хоёр талын харилцаа Өргөтгөсөн иж бүрэн түншлэлийн шинэ түвшинд хүрснийг зарлан тунхаглав" гэжээ. 

“ӨРГӨТГӨСӨН ИЖ БҮРЭН ТҮНШЛЭЛИЙН ТУХАЙ МОНГОЛ УЛС, АМЕРИКИЙН НЭГДСЭН УЛСЫН ХАМТАРСАН МЭДЭГДЭЛ”-ийг ЭНД дарж бүрэн эхээр нь уншина уу.



Монголын ноолууран болон оёмол, сүлжмэл бүтээгдэхүүнийг АНУ-ын зах зээлд татваргүй нийлүүлэх дээр дэмжлэг хүсэв

 

Монгол Улсын Ерөнхий сайд У.Хүрэлсүх, АНУ-ын Төрийн нарийн бичгийн дарга М.Помпео нар өнөөдрийн уулзалтын үеэр Монгол, АНУ-ын харилцаа, хамтын ажиллагаа өргөжин хөгжиж ирсэнд сэтгэл хангалуун байгаагаа илэрхийлж, Ерөнхий сайдын АНУ-д хийж буй айлчлалын дүнд хоёр талын харилцаа шинэ шатанд гарч, Өргөтгөсөн иж бүрэн түншлэлийн түвшинд хүрснийг сайшаан тэмдэглэж, энэхүү түншлэлийг эдийн засгийн агуулгаар баяжуулан хөгжүүлэхийн төлөө тууштай байхаа харилцан нотолжээ. 

Дээрх зорилгын хүрээнд талууд Монгол, АНУ-ын хоорондын эдийн засгийн өргөтгөсөн түншлэлийн тухай Замын зураглалыг тохирч хэрэгжүүлэхээр болсонд Ерөнхий сайд У.Хүрэлсүх сэтгэн хангалуун байгаагаа илэрхийлсэн юм. Тэрбээр АНУ-ыг Монгол Улсын томоохон хөрөнгө оруулагч, худалдааны түнш байж, харилцан ашигтай эдийн засаг, худалдааны хамтын ажиллагаа хөгжүүлэхийг уриалсан бөгөөд Монгол Улсын Засгийн газар эдийн засгаа төрөлжүүлэх чиглэлээр тодорхой арга хэмжээг авч хэрэгжүүлж байгааг тэмдэглэж, Монголын ноолууран болон оёмол, сүлжмэл бүтээгдэхүүнийг АНУ-ын зах зээлд татваргүй нийлүүлэх тухай тогтоолын төслийг АНУ-ын Конгрессын гишүүд Конгресстоо өргөн барьсныг мэдээлж, дэмжлэг хүссэн юм.

 

Ерөнхий сайд У.Хүрэлсүх АНУ-д хийж буй айлчлалынхаа хүрээнд Олон Улсын Валютын Сан, Дэлхийн Банкны удирдлагуудтай энэ өдөр уулзлаа.

Түүний айлчлал маргааш Мянганы Сорилтын Сангийн төлөөлөл болон Монголын ноолууран болон оёмол, сүлжмэл бүтээгдэхүүнийг АНУ-ын зах зээлд татваргүй нийлүүлэх тухай тогтоолын төслийг АНУ-ын Конгрессын гишүүд Конгресстоо өргөн барьсантай холбогдох уулзалт зэргээр үргэлжлэх болно.

x